عاد شي حل في الدولار يمشي وينخط
عشّق القير في العقـبه طلع فـي ثوانـي

والسعودي جزع خـط الوديـعـه مفـحّط
والعـواكـيـر غـطّـت ع الـرّيـال اليمـانـي

وين هادي ولـد منصور يصحى وينشط
البـلـد تـشتـكـي والشـعـب كـلـه يعـانـي

بين جرعات عايش طول وقـتـه محبّط
كل ما جات جرعـه خـلّـت الظهر حانـي

والحكومه على قوت المساكين تشفـط
من تكـلّـم بـصـوت الـحـق ردوه جـانـي

شفت سـوق السـرق مفتوح كلّين يلهط
يحشو المال من بعد الشنط في جواني

يلعبوا عالبـشـر لعـبـه كمـا الفـار والقـط
شلـوا الـزاد والقرشـين لـي فـي ثبـانـي

صار في عهدكم وضع اليماني ملخـبـط
اخـر القـوم في الطابـور اصبـح مهـانـي

مرّت اعـوام اربـع سـود وانـتـه مـحنـّط
فـيـك والـلـه يـالـمـركـوز ربّــي بـلاانـي

لامتى وانت مثل العجل تاكـل وتعـفط
والرعيّـة تـذوق الـويل مـن كل مكانـي

خل عندك بصر لاتحيد بُـنـّه عن الخـط
قبل تضوي مقيّد في المحاكـم مدانـي

رجّـع الصرف مثل اول وفكّـر وخطّـط
واترك اهل الفتن وعيال بن اردوغانـي

من يخاوي ولـد موزه بِـيصبح مقـمّـط
مامعه فايـده مـن سـار درب ال ثـانـي