|
الشاعر بن شريفان الخليفي معا الشاعر حسن باقديم
معا الشاعر الكبير علي بن شريفان الخليفي والشاعر حسن محمد باقديم حررت 2017/4/23 م بعنوان حصلتهم عربان كالجربان ،،، نزعه خاطيه والفهم ميت ،، والحياء منزوع وسلوكه تليد حسن باقديم يابــن شـريـفـان الـخـلـيـفـي يـاسـلـيـل الـقـافـيه خــذت الريادة في الادب والشعر بالقول السديد ذكــروك يـارمـز الادب والشعــــر داخل لاهيـه وضويت من حـانــون عاذكرك ومعناك الفريد دورت لـك فـي لاهـيـه لاكـن عــلـومـك خافـيه ولعـاد بـانـافـنـع بـهـا مـوجـود والشاعر فريد قـلـبــي دلـيـلـي يـالـثـلاثـه والاشــاره كـافـيـه لـوح لـمـولـى الـحـلم والفطره .. وبوح للبليد بـاقـي بـواقـي الـعصر هـذا والـسـنين التاليه في لاهـيـه رتـع جـثـايـا طـلعت الجيل الجديد يـتـبـادلـون الـمـدح حـرفـتـهـم لـبـوهم داهيه مايعرفون الشعر..غير المدح في خس القصيد حـصـلـتـهـم عـربـان كـالجربان نزعة خاطيه والفهم ميت ،، والحياء منزوع وسلوكه تليد جواب علي بن شريفان يا باقديم اهل الادب واهل الشروع الوافيه تمثالهم صخري وطيني وانت تمثالك حديد ما يكـبحـك حاسـد وربي قد عطاك العافيه لانك مصـلـي مـتـقـي مؤمن وتفعل ماتريد الـشـعـر بـحر وغبـتــه معنى ولوله قافيه في شعب مرجاني ورواده يجيبون المفيد ذي يمهرونه قوم ما تخـفـى علـيـهم خافيه يروضون الشعر والمبطي في الدفتر جديد ما ذي يرصونه كما رص الشموع الطافيه لا شـبـت الـدنـيـا حـرارتـها تحولها صديد |
اقتباس:
بدع وجواب اقل ما يقال عنه "روعة وابداع مكتمل الاركان" من شاعرين عملاقين لهم بصمات اينما حلوا. صح الله السنتكم الشاعر حسن باقديم والشاعر علي بن شريفان الخليفي. لكم خالص تحياتي |
اقتباس:
طبتم؛؛؛؛؛ |
مجاراة متواضعة لاترقى لمستوى الشاعرين حسن باقديم وعلي بن شريفان..
طعم الـبغيّـة في حـروف البـدع تقطر شـافـيـه وايش عاد بقّـيتـوا لمثلـي ياحسن غير القـلـيـد وجـواب من عند الـخليفـي مثل نـسمـه دافـيـه فـي جـو بـارد والمـطـر همـال من فوق الـجليـد كـلّـن مـعـه ديـوان شعـري في سمانا الصـافـيـه مـاظـنّ ع مكـسـب يـدوّر حـدّ فيـهم او رصـيـد الاثنين بدحق سعفـهم حـتّـى ورجـلـي حـافـيـه دام النسم يجري وعاد الدم يسـري في الـوريـد والبعض اسمه صار واضح في كشوف المافـيـه حد من هنا يلـقط وحد عـينـه بصندوق البـريـد اقـوال عـكـس الفن تصـدر عالهـواء مـتنـافـيـه لـكـنّ ما بـيـن الـتـجـاري فـرق والاصلـي اكـيـد ذي شِـعـرهـم تجمـيع وارد مـن بـلـد بـاعـافـيـه ساعة يزيد الماء وساعه الملح ينقص فالعصيد |
اقتباس:
|
اقتباس:
|
صح لسانـــكم
|
المقدم الشاعر..حسن محمد سالم باقديم
رجل يتماشاء مع الأوضاع التي حوله فتراه مره مضغوط بالارهاب وأخرى بالحراك وشعاراته وثالثه بالاحداث الجديده في المكلاء ومؤتمر حضرموت الجامع؛ناهيك عن صعوبة الوضع الأمني والأقتصادي والأجتماعي وأني ارآه يخبط خبط عشوى معد درى أين يتجه. حيَا الله أقوال من شاعر وأسمه حسن ...ذي هو صحيبي وبا يدخل معي في الخطر طعم عقبه يا باقديم وقعت في ورطه يا أبو الجويد الله يخارجك منها؛؛؛؛؛ |
| الساعة الآن 01:42 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir