الراي ريك
 

[poet font="Simplified Arabic,2,green,normal,normal" bkcolor="purple" bkimage="http://www.alshibami.net/saqifa//backgrounds/1.gif" border="none,7,gray" type=0 line=350% align=center use=sp char="" num="1,burlywood"]
خمسه على يمناي دقين الوتر=واثنين على اليسراء تزرفي اوتارها
والعود في حضني سفر=قنبوس من خير القنابيس
مااليوم عاكرهم عكر=وتكاثرت الاعصار هو وعكارها
ماشي وسيله للمقر=حيدين قدامي متاريس
يانوب مامنك خبر=تشعقت الاوراق هي واخبارها
والجيد لي عاده صبر=مالنفس مضيونه وتشرع بالتناهيس
من شل منشاره نشر=سنتين ينشر ماوقف منشارها والنشر في عود العشر=لي مايعزك دارك ولايصلح مناخيس
ضاعت مفاهيم الفكر=وتهيمت عقال هي وافكارها
ولعاد حد فينا فكر=كلين يذرع مايقصر في المقاييس
ذا غيث مامنه مطر=عدت سحابه مازخت بامطارها
يبست حلوقش يالنشر=ولعادباتنفع حرورش يالبسابيس
ذالا كشافه على النجر=لي صلح السده شرد نجارها
كسر حناذيذ المجر=خلاء كبار الروس في الشارع مخاليس
من فوق براقه عبر=ماليوم مانقدر على معبارها
ملقي حراسه في الشجر=غيران مليانه محابيس
دارت على كل من عصر=المعصره تدري على عصارها
والناس في زره وحر=وتحمست الاكباد مثنات المحاميس
والياليه الله اكبر=على كبار ابليس هي وصغارها
لي يبسوا ضرع البقر=لي منه الزبده وتشربه المعاريس



[/poet]