قع اسد يابويماني !!!
شي بصر والا فسحنا في المقادم والشيوخ=الحكومه مانباها والوزاره تستقيل لا متى ونحن نمحظ في المكاسر والشروخ= نعنبوه من دار لي ساسه من الرجّه يميل فصل باسوس بصبه مانبا ساس المدر=المدر ذا الوقت سبخه والمعاتن من عشر كل من عمر ومكن ساس داره بالحجر= مابظني باتأثر فيه هزات الخطر حذروا لي بايناوط للكواكب والقمر=لايقع مزراه في ذا الوقت مابين البشر لا وصلنا الى عساكر بانشلك ياالخبيث=الدخيله عابلادي لاتحسبونه وريث الوراثه لاهلها ماهي لمن هب ودب= بحري عبوده باتقع يانار شبي باللهب سلموا لي عامنصر صاحب الراس الكبير=والبنادق جهزوها والجنابي في الجفير ليلة الدحنه بغينا الوعل منصوب القرون= بصطلب عاالراس ويتمسك بحمران العيون لادخلنا البحر الاحمر بانشوق الشوحطه=تسمع اصوات البواخر والمراكب منسطه زاركم بلعيد عنبر ياهل وادي بامتين=ايش باتسوون ولصحاب الزنن متمسكين قع اسد يابويماني لاتــحرف في الكلم= من غلط عالناس جمله مايفيده شي ندم شمر الساعد وشل المربشه هي والقدوم= سيل من يبهوض بايوصل المان الخشوم لي في المسيال يرفع والذي قاعد يقوم=الضفادع باتنقنق والهوارش باتحوم ادخلوا الى دار بن عيمور لي فيه الكنان=الحمايه تحت سقفه والرعايه والامان |
صح لسانك ياسبع الليل!!!
|
صح بدنك ياسبع الليل0
|
شمر الساعد وشل المربشه هي والقـدوم سيل من يبهوض بايوصل المان الخشـوم
عز الله انه بيشل المربشه هي والقدووووووووووم...:lol::FRlol::lol::FRlol: |
سبع وبسسس والباقيين يحبون الخس
|
والله ونعم بو جمعان
صح كلامك والله يعطيك العافيه :) :) :) |
مشكور حبيت اضيف من عندي:
حصحص الحق والمعوز سبر *** الوزير راجع لعافيه والسراويل على مطاط ربل*** شعب جاوع حكومه طاغيه |
الساعة الآن 05:12 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir