(((((((((( ----- ما بي أشوفـك ----- )))))))))))
~~~~~~~~~~~~~~~~~~~~~~~~~
ما بي أشوفـك وما بي اسمع أخبــارك
------ ارحل من اليـوم عـن دنيـاي وأنسانــي
كــمّـل حياتـك مـع غيـري ومشـــوارك
------ وأنا حياتــي بـدت مـع واحـد(ن) ثانــي
غابت نجومك وشمسك وأنطفت نــارك
------ ما عـاد باقـي محل(ن) لـك بوجدانــي
حــرّمـت أناظـــر بعينـي حـي بـه دارك
------ وامشي على درب لك في يوم ودانـي
عفتك وعفت النظر في قافي أشعـارك
------ اللـي عليهـا مـــن أول ركّـب الحانـــي
خــلاص ما تطـرب أذنـي نغمـة أوتــارك
------ وأعذب صدى صوت لك ماهيج أشجاني
اسمـك مسحتـه مـن الخفـاق وأثــارك.
------ ما عاد ينبـض وريـدي بــك وشريانـــي
أفشيت سري وأنا لـو بفشـي أسرارك
------ مـاراح لــك يلتفـت قاصـي ولا دانــــي
بحري أنـا حلـو وانتـه علقـم أنهــــارك
------ عيّت على ضفة(ن) لك تنبت أغصانـي
حاولـت مـن دون جدوا.غيّـر أفكـــــارك
------ من فيه شي فيه يبقى طول الازماني
حرصك على ظلم من يهواك وإصــرارك
------ خـلاك تقضـي سنيـن العمـر وحدانـي
لا تعتـذر لـي . لنفسـك وفـّر أعـــذارك
------ وابعـد ولا تحتفـظ باسمـي وعنــوانـي
ماهمنـي مـوجـك العـاتـي وتـيـــــارك
------ (رح منـت أول وآخـر مــن تحـدانـــي)
-------------------------------------------------
((( شعر أخوكم / عبدالله مبارك الجعيدي )))