وين اختـفت يـاقـوم ثـورة نـانـسـي
ذي شبّـت النيـران والفـتـنـه وقـوت

غشّتك بالطـرف الكـحيل النـاعسـي
مسكين يـاشعب الملـوّح والشفـوت

البالـطـو ظـاهـر وتـحـتـه مـاكـسـي
لعبت على صـنعـاء واهـاليهـا بلـوت

في سـاحة التغيير جـابت فـارسـي
طمعـان في بنـدل وعلاقـي وكـوت

حافي وصل للعاصمه في تـاكـسـي
مسمـوح قالت لا دخل كـل البيـوت

واليوم يحكم صـار جنبه حـارسـي
شل المزارع والمدن هي والخبـوت

فـي غـرفـة الاحمـر علـي والآنسـي
افلام شفناهـا لهم صـورة و صـوت

يا مسـعده ذي صـار مـا بايـنتـسـي
من باع دِينـه والشرف لازم يمـوت

قولي لبنـتـّش يـختـهـا ماقد رسـي
ضايع وسط غـبّه عشا كمّين حوت

واحنـا تعـدينـا المحيط الاطـلسـي
احنـا على ديـن النـبـي طـه ثبـوت

النصر قال ابن الجنـوبـي مـلبـسـي
مابايجي يامسعده وارضش سنوت

ذا قول صاغه في دقائق هاجسـي
والكذب قال اليوم والله ما يفوت