خاطره خاصه
بو طارق ايقول الحجل روح=روح على سيبان يانوح والنخل دوره با يجي ذلحين=نخل المجاري غير نخل الطين ان كان سيفك حد في حده=كل من دخل حدك قطع يده لاتكون شاجع جم ولا مسكين= نخل المجاري غير نخل الطين لاتكون لين جم ولا قاسي=ولا تقول لي لا سعفت ياراسي خذ لك مهدي قرص انسولين=نخل المجاري غير نخل الطين خلك وفي للعهد والذمه=واترك صحاب الكذب والنمه لي ما لهم مذهب ولا لهم دين=نخل المجاري غير نخل الطين من سار في درب الخطاء قله=يرجع الى مذهبه والمله ويذود عن القدس وفلسطين=نخل المجاري غير نخل الطين يكفي من الباطل كفى يكفي=ياقوم ما حد منكم معفي ياعون اوباما على لينيين= نخل المجاري غير نخل الطين |
اقتباس:
هذي مهي خاطره هذي سحابه شعريه ماطره وعلى النسق الغنائي وترى لقيت لك شريط مع احد الاخوه انت والشاعر عبد الرحيم العمودي قددددددددددددددددددددديييييييم بالحق لازم نعدل شوكة الميزان بغيت باجلس له وانا مصحصح وبحاول باذن الله انزله هنا وتستاهلون ياهل وادي عمد تستاهلون والله مبدعين واهل الابداع ومنبعه تفضل بقبول ارق التحايا القلبيه من اخوك/خالد بن مهنا |
هلا ابوطارق
بن مهنا معاد خلا لنا شي نقوله قصيده رائعه دمت بود |
شاعر رائع ياعمر
صح لسانك عمر الذيب ونتمنى ان تكون في توهج دائم لك خالص التقدير والاحترام ولك عندي مجلب اذا جيت قدانا هديتك |
شاعرنا القدير ابو طارق ..
كل من مر بهذه الدرة الثمينه فانه يخجل ان يقرأها دون ان يرد .. بالفعل قصيده كامله والكمال لله والفاظ جزله وحكم رائعة باختصار افضل مدح نقوله لهذه القصيده انها لعمر الذيب ويكفي ... تقبل مروري وفائق اعجابي / منيف باتيس النعماني |
لله ردك يا ابن الذيب
من اشد المعجبين بكلماتك الجزله اسمحي لي ان اسميك شاعر الجزاله ماشاء الله عليك واطال الله في عمرك تلميذك : ماجد |
مرحيب مرحيب يابوطارق كلام يصم الراس الله يعطيك العافية ودمت للإبداع عنوان |
لم نقراء لبو طارق شي غير هذا الابداع الجميل في مبتاه ومعتا ه ابو طارق مبدع ومن عمالقة الشعر ودائما موفق في اختياره للموا ضيعه شكرا على هذه القطوعه الجميله. تحياتي |
كلاااااااااام يابو طارق قصيده جميله تجبر كل متذوقي
الشعر من الوقوف اماااااااام هاذه الدره تقبل تحياتي القلبيه اخيك ابو ايمن |
اقتباس:
برغم فارق الزمن بين اوباما ولينين الاان المذهب الفكري يسمح بعقد التشابه ووجه الشبه في التناقض الفكري للتيارين فاتت رايعه منك يالذيب طبت |
الساعة الآن 06:12 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir