|
$..أهــل الـعقـول النيّره..$
يقول بو سالم توصل هاجسي=وفرحت لما جادلي بوصاله وقلت وينك قال في راس الجبل=ماتشوف ناري توكم شعّاله ولّا بعد جحلان منك واختفاء=اسأل هلك لي ساكنين إقباله في بامزاحم نون في عين النمر=لي بابها ماكن عليه اقفاله يحمونها باالذايبي لاشي وقع=ولّا الزمن فجّأه تغير حاله لاتأمن الدنياء وهذا حالها=غيث الفرح ترسل عليك اسباله لكن من بعده تدور الدائره=تحزن وحالك منها ترثاله لكنني مابي من الدنياء قهد=الله معي في النائبه بلجاء له وعليه بتوكل وانا واثق باان=كل من توكل به يجمّل حاله ومعي قبيله باسله ومقاتله=في الكون لاسارت تهز جباله لدعيتهم بيجون في وقت الطلب=كمن ولد يعجب شديد إقتاله مقدام لابيموت مايرجع وراء=للموت يسعى قبل مايسعى له في الميزعه لي ماسكين إحدودها=لاعبر بها الخايف نظل عاجاله ونسيّره لمان يرسي فوق بر=وانحن معه لاعاد يشغل باله لاقلت في وجهي معد حد يقربه=وان حد قرب منه نكون اعداء له للوجه حرمه والذي مايحترم=وجه القبيلي باتذم افعاله شبه الجزيره والقبائل كلها=وبعد بايجني شرور اعماله مايخلّف الناموس للي يورثه=العار بعده يارثوه اعياله خله يقع منبوذ عينة بو لهب=والمرأه اللي للحطب حمّاله صقره بني مره ولا نجي في الغلط=للجود كل واحد معه مكياله بيكيل للجاويد جوده والكرم=وباتشل حمله ظهور إجماله للعدل ملقي عقل وازن به مدن=والظلم ماحبه ولا تعنّى له والصلح لو له شي طرق مانرفضه=مش خوف اوقلت بصر وجهاله هذي صفات اهل العقول النيّره=مايردوا الجوده لحد بفساله ولا الحروب الطاحنات انحن لها=لا الوادي الباروت كان إظلاله مانستظل الا بظل المرجله=وندير فكره للعقد حلّاله ونستند برجال شرّابة دماء=وكل واحد يستند برجاله صقره وجعده نارهم ماتنطفي=ماخاب من فيهم يحط آماله يبشر بعزه من هو اسمه ينقرن=بسم الصقيري والجعيدي خاله لي يحكم الوادي على طول النظر=وتسبق افعاله حروف اقواله مثل الرصاصه كلمته لاقالها=ونظرته وقت الغضب قتّاله مري وتاريخه على جدار الزمن=محفور بايبقى علم ودلاله اسم الجعيدي حصن محكوم البنا=والحصن من دونه تموت ابطاله ومن نوى غزوه فرح له بشّره=ان السبب لي يقتله وصأ له انا اشهد انه تاج راس القبوله=ماحد لقاء مثله ..قليل امثاله باسه شديد ولانزل في منطقه=ابليس منها بايشد إرحاله إما تسلم او بها كل من سكن=بايضيّع المكسب وروس امواله واهل القلوب اللينه يستاكلوا=واهل القلوب القاسيات آكاله بايوكلونك ياالضعيف المستلب=بالكذب هو والحجّه البطاله الكذب مايوصل حباله قاصره=تقصر على من بايمد إحباله ويحسب ان الحبل في يده قوي=يربط به الباطل بكبر اثقاله وينقطع حبله ويسقط باطله=ويجي على راسه خبيث إخصاله يوخذ بقاياء االعمر منه..والحيل=ترجع عواقبها على الحيّاله ومن زرعها منها يجني الشقاء=وسرابها برهان يتسا داله ولصاحبه كل من حفر حفره يقع=فيها وهذا الشي صعب إجداله ماحد يجادل في حقيقه واضحه=اوضح من إنجوم المساء وهلاله العيف ماحب اذكره في قصائدي=وعواطفي ومشاعري ميّاله للزين لي ذكره ينسم خاطري=كل ماكتبته من قصيد إهدى له العيف مايسوى حروف القافيه=ذلا على ذكره رسلت إرساله للناس باهم يحذروا منّه وبس=لاحد معه يرقص اذا غناء له ياشعر خالد بن مهنا مصدرك=من قلب وجدانه تطل بإطلاله مثل القمر ليلة ثنعشر لاظهر=مأكنه الا في فضاه إلحاله من كثر نوره كل زاهر يختفي=يملي عيونك منظره وجماله متّع عيونك في مناظر رائعه=واغلب على شيذر حطيط اذباله ولاتدوسه في التراب توسخه= خل الغباء واللعب والمسفاله لاتجحد النعمه وتعصي خالقك=بيثور تحتك من غضب زلزاله هذا في الدنياء وعاد الاخره=وعذابها ياما اشد اهواله ياالله منه نجني سالك بحق=المصطفى طه الحبيب وآله وادخلني الجنه بهذا يسالك=عبدك إلاهي لاترد إسواله |
ابو سالم
اسمح لي ان اقراء هذه القصيده اكثر من عشر مرّات من اجل المتعه قبل التعليق يا سلام |
كلام يابو سالم كلام والنعم في من ذكرت ربعك وخوالك ولا تهون باقي القبايل
حقها فيها والله خالد بن مهنا عرفناك شاعر عاشق وولهان ولم نعهدك مثل اليوم شاعر زهد ابدعت فيه رغم صغر سنك عزيزي ابو سالم ليتك في البيت الاول فقط التزمت في صدر البيت بقافية عجزه حتى تعطى الحق في تحرير قافية الصدر في باقي بيوت القصيده الرايعه هذه سجل مروري واعجابي الشديد واحترامي لشخصك يالغالي |
الشعر الحقيقي هو ما اطرب النفوس وهز المشاعر
في هذه القصيدة العصماء قدم لنا الشاعر خالد بن مهنا مادة دسمه جدا يستفيد منها الادب وتستفيد منها الامه وتستخرج منها تصويرا لواقعها الشاعر خالد بن مهنا هو شاعر الامة الذي يخلد تاريخها ويدافع عنها فنحن فخورون بان في بلادنا شعراء شعبيين نوابغ يستحق كل واحد منهم دراسة شامله لذلك الشعر النابض حيوية والصادق في تعبيره القصيده تغلب عليها الحماسة والرمزية والافتخار بالقبيلة وتدارس الامجاد باسلوب الكناية والتشبية ان شاعرنا شاعر موهوب ولم افيه حقه لو كتبت عنه صفحات وشهادتي فيه مجروحة سر الى الامام وعين الله ترعاك يا بوسالم تقبل تحياتي اخيك ابو فضل سالم |
|
الكذب مايوصـل حبالـه قاصـره تقصر على مـن بايمـد إحبالـه ويحسب ان الحبل في يـده قـوي يربط بـه الباطـل بكبـر اثقالـه وينقطع حبلـه ويسقـط باطلـه ويجي على راسه خبيث إخصالـه يوخذ بقاياء االعمر منه..والحيـل ترجع عواقبهـا علـى الحيّالـه اخي الشاعر القدير ابو سالم صح لساااانكـــــــــــــ واعتلا شاااانكـــــــــــــــ ولاهنت نص حقيقي رااائع كــــروعة حضورك المتميز دوووماً تعجز الكلمات وصف هذا الحضور الشاااااامخ قواكـــــــــ الله ويعطيكــــــــ الف عافيه وما يهزكـــــــــــ ريح !!!!!!!!!!!! تقبل اطيب المنى والتحيات |
اقتباس:
ماشاء الله يابوسالم كما سيل حضرموت الاخير مافي ارض الا وسقاها تصدق انني اترقب وخيل قووود غيثك وقلت نسأل الله السلامه ونعم فيك وفي خوالك وفي كل اهل حضرموت شاعر لايختلف عليك اثنان صح لسانك وفكرك ولكن الصبر يابن مهنا دنا توريك العجب تسقيك من قير وحالي وتقرب المبعد وتبعد ناس مايتفارقون لك تقديري واحترامي اخيك |
صح لسانك شاعرنا الرائع خالد بن مهناء
قصيدة جزلة ماكنة راسية من رآس مبدع ديدنه الإبداع دائمآ .. تقبل تحياتي وتقديري لك دومآ . . . |
اقتباس:
هذه ليست قصيدة مسابقه يابن احمد فلذلك يحق لخالد بن مهنا ولغيره ان يختار ما يريد من القوافي ليعبر عن ما في حاله المهم هذا لك اما لخالد فاقول كلام يابن مهنا وهو حقك ولك فانت شاعر متمكن وتستطيع ان توظف كل كلمه في مكانها الصحيح وهذه من صفاة الكبار وانت منهم لك كل التقدير على ما صاغ فكرك وخط قلمك عمر الذيب |
كلاااام يالمري صح لسااانك ملايين..
ونعم بك وبربعك وباخوالك الجعدة والشاهد الله انكم كلكم تستظلون تحت ظل المرجلة.. تقبل مروري واعجابي اخوك صالح باعمران |
| الساعة الآن 07:54 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir