|
ابداعات عمالقة الشعر في السقيفه الادبيه
بســـــــــــــــم الله الرحمن الرحيم
اسمحولي ان اضع بين ايديكم الكريمه اجمل ماقريته في السقيفه الادبيه وقد اعجبت بها كثير واعجبت بابداعات الشاعر عبدالله الجعيدي في تكوين االالغاز وادخالها في القصيده باسلوب جميل وادهشني ايضا ذكاء الشاعر طالب باتيس النعماني وسرعتة على الرد وبنفس الاسلوب ونفس القصيده والقوافي والوزن والله مثل ماقال الاخ الجنرال انك توقف محتار ولاتقد تعمل حاجه ولكن هذه موهبه من الله اهبهم اياها (ماشالله تبارك الله عليهم) والله اخاف عليهم من العين ومن عيني انا المهم سوف اكتب مااعجبت به وان شالله ينال اعجابكم لغـــــــ في قصيده ــــز اخواني الاعزاء ارجو حل اللغز 000 ولكم تحياتي00
ياليل مالك على التوديع مستعجـل=تطلب من الفجر يطلع قبل ميعـاده 0 حاولت آجل ولكن ماقـدرت آجـل=حق موت ليلي وفجري حق ميلاده في حلّ لغز الجعيدي يا الذكي عجّل=عجّل بردّك على الايميل كالعـاده وهذا رد الشاعر طالب باتيس النعماني
يامرحبا بالقوافـي عـد ماهلـل=من عند شاعر بلغ قصده وميراده حليت لغزك وللمكتـوب بتقبـل=يمكن انه الشيب ذي قد زاد تعداده ياكم وكم شـاب بيهلـل وبيغفـل=لا شاب راسه ودقنه قبل ميعـاده وهذا تاكيد الحل من قبل الجعيدي سجلت الهدف 0
في غمضت العين طالب للهدف سجّل=والكاس جابه من اول شوط لبلاده
لغـ في قصيـ 2 ـده ـز شكرا للاخ طالب باتيس على حل لغز في قصيده رقم 1 والف شكر لكل من اطلع على ما اكتب وارجوا ان ينال الاعجاب 0 ويسعدني ان اطرح امامكم لغز في قصيده رقم 2 ارجو ان تستمتعو في الحل 0 0
بـنــتٍ قـديـمــه لاتـقـولــوا جــديــده=فـي لبسهـا يحصـل تـطـور وتجـديـد 0 أزعـل إذا زعلـت ولـو هـي سعـيـده=تعبـر عـلـي أيــام مـسـرور وسعـيـد مـا عشـت لـولاهـا الحـيـاة النكـيـده=وان ما هـي موجـودة تنكـدت تنكيـد أحـيـان تـؤخـذ مـنـي الـلــي تـريــده=وأحيان تعطيني على عكس ما أريد ساعـة معـي مرنـه وساعـة شـديـدة=فـي اسمـهـا ظـنـي بفتـحـه وتشـديـد يا صاحب الفطنـة والآراء السديـدة=سدد على المرمـى مـن الآن تسديـد وهذا رد الشاعر طالب باتيس
وين الجعيدي وين ساعي بريـده=شل الرساله برد الجوف تبريـد لاعند مولى العلم واهل العقيـده=وقلـه ان اللغـز مافيـه تعقيـد زرت اليمن من شرق لما الحديده=والحل هو الشجره من دون تحديد بقطف ثمرها كل شجـره مفيـده=واشجار واجده للنـاس ماتفيـد وهذا تاكيد الجعيدي صحيح اخ طالب نعم الشجره هي الحل الصحيح وشكرا لك على ذلك ولكن الان المطلوب هو تفسير كل بيت على حده ليتسنى لنا طرح لغز اخر ولو لم تتمكن من ذلك ساقوم فيمابعد بشرح كل بيت تحياتي لغــ في قصـ3ـيدة ـز كل عام وانتم بخير اخواني الاعزاء جميعاً واليكم اللغز الثالث ومتاكد ان الحل سياتي بعد صلاة الجمعة مباشره
حاجه قويه ياصلاب الروس=فيها الصغيره والكبيره احيان تلحق جوفها متروس=واحيان تلحقها فقيره ياعمها ياخالها القنبوس=يابنته اللي هي صغيره فيها مطاحن واجده واضروس=والسان ماهي مستديره عينتها في سلطنة قابوس=والشام واطراف الجزيره المشكلة لو جاء عليها السوس=والا مطر جتها غزيره يحرص على تصنيعها محروس=وينام وعيونه قريره من منكم بايطلق المحبوس=يااهل المهمات الخطيره وهذا رد باتيس
وين الجعيدي معدن النامـوس=وفييـن منـدوب الجـزيـره بعطيه من عندي حكم وادروس=يفـرح بهـا شيـخ العشيـره واطلقت لغز الشاعر المهجوس=لـكــن لازم نستـشـيـره القيشمه من زام دق يانـوس=تفتـح وتقـلـد بالبصـيـره واللسانها المفتاح فيه اضروس=والله ماضنـيـت غـيــره وفي انتظار تاكيد الشاعر عبدالله الجعيدي للحل ارجوا ان تنال اعجابكم ونرجوا من الاخوه المزيد من الابداع والعطا للسقيفه وحلانها والعفؤ منكم كل ماكتبته منقول من السقيفه الادبيه او سقيفة الادب والفن |
شكراً
اخي الدوعني مسا الخير وكل عام وانت طيب اشكرك جزيل الشكر على المرور على كل ماكتبته وارجو ان يكون قد نال اعجابك وشكراً اخي العزيز على كل كلمه كتبتها فكم انا مسرور بمتابعتك واهتمامك وارجو ان اكون عند حسن الضن وشكراً جزيلاً على عنوان الموضوع الذي اعطيتني فيه اكبر مما استحق وحملتني مسئولية يصعب علي تحملها فانا شخصياً اعتبر نفسي قزم لا عملاق في عالم الشعر فهناك من هم الاكبر مني ويستحقوا ان يطلق عليهم هذا الاسم وهذ اخي ليس تواضع بل هي الحقيقه وشكراً ايضاً لاخي الجنرال على كل ما ابداه تجاهي من اطراء اخيراً0لك وللجميع تحياتي اخيكم عبدالله الجعيدي |
شكرا للاخ الدوعني والجنرال
وان شالله نكون عند حسن ضنكم وماقاله الاخ عبدالله حقيقه هناك الكثير من المبدعين في السقيفه هم اجدر مننا بهذا الاسم ولكن اشكره على ثقته بنا وان شالله نكون عند حسن ضنه |
| الساعة الآن 03:00 AM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir