يامن لك الملك
يامن لك الملك نطلب ريت كل مبعد قـــــــــــرب
ويخف همي قبل ياتي الموت قطاع الـــــرقــــاب وتعيني قال الجعيدي ياالاهي في المشقه والغضب والجو يصفا ياعضيم الشان مـــن بعد الـــــظبـاب البارحه جو المخوه والصداقه عند باذيل انــقـلـــب حسيت به شتت بفكري مثل يــــــوم الانـــــقــلاب لوكان حد اجدادنا اهل الــــنسب واهل الـــــحــسب ان كان كل صمرور يحسبلي في الدنيا حـــــســاب لاكنني وش عادني باقول يالصحاب في صوله وشب لي منهن شيب عمر باذيل في عز الـــــــشـــبـــــاب صوله عملها بوعوض صالح وبوســــالــم صـرب واليوم ماحد بعدهم يصرب في ايام الـــــصـــراب من بعدهم لاجيت بتكلم وباعاتب وبازيد الــــعـتــب خايف جميع الناس تفهمني غلط بــــعـــدالـــعـــتاب وان جيت بتكلم على الحذاق والشيبان قليت الادب وان جيت بسكت خافهم يرمون لـي عـقـرب وداب صمتي محيرني وثاني شي لسماء يالجماعه واللقب يامسهله بنطقه ياشنديق حدمنهم وحـد عيــظــه قـناب راسي مصدع والبلا ف الساق عندي والعصـــب والجسم حسيته من اخطاء صاحبي كــــله مصاب بعض البشر علته علـــه زي رمــــاتــيزالــركـب لا في البقر مثله ولا الماعز ولاشي فــــالركـــاب ماقال شي خدمه تفضل ياعمر لك شـــــي طـلـب ولا معك مرسول باترسله ولا شي طــــــــــــــلاب قدمت له بالجبر والناموس وللماس حقي والذهـــب وأعطيته الفضه وجازاني بصده في مجيه والذهاب هل عاد شي باقي علي يهل المعاني والــــــرتــــب ولا الذي بيني وبـــينه يــــنــدفـــــــن تحت التراب راضي وبوراشد وناصر بن كول معهم غــــــــرب مسكو طريق الخرج والــرخمه لحقهم والــغـــــــراب الله يرجعهم بحفضه قل لــــــــمــــــولا الــــبـيك اب وأما الذي في الجمس ولا الباص بـــلــقــيهم كبــاب بقضي عليهم بالـــــســيــاســه بــبــتـديــبـه بو لـهـب ياجـــيـــيب لـــه جـــلـــطـــه ويـا ســبب لدمه التهاب خله يقعله زي جمل باداس لي جاه الـــــــجــــــــــرب من قبل لايخبي لنا عقرب وحــــــيــــــه فـــلـــجــراب ماشفت حـــــــد مــــــثــــله ولايشبهــه مـن سر لاحبب مافيه شي نخوه ولا ضني يقع عاشق وحـــــــــــــــاب فيه المذله والمذله وقعت بــــه فــــي مــــــــــطــــــــب خلــــتــــه يلــــبخ دار بوقــــــاســــم ويمحضها بطاب مثله كما بخضر وبخضر فـــــي مدوده بو شـــنــــــب وألاف مثله فـــــي مـــدوده مـــــــن مفاتيل الشنـــــاب ذأ فصل كــاس المر من صاحبي بالــــغصب اشتــرب وألله يسامح من لـــقـــالي مــــر فــي كـــاس الـــشـراب قرص البغيه ريت ماحطوك فــــي ذاك الـــمصـــــــــب وان كان صنتك وصــونك صدق في عين الصــــــواب لاكن لي شلك وباعك فــــــــي الـــــمــــكلا مصطلــب ولا عرف قدرك وقدر الـــــناس لي حولك صــــــلاب باعك عـــلى النصاب والكذاب تربـــــات الــــــكـــذب ياريت شـــــاور قـــــــال بو طاهر في الوادي ذيــاب[/COLOR][/COLOR] والختم صلو ع النبي تعداد مــــــــــــــــــاتدي السحب واعدد قطرات الـــــــمطر لي بذر ربي من سحــــاب |
كلاااااااااااااام كلاااااااااااااااااااااااااام يالجعيدي كلام
قصيده رائعه واكثر من رائعه صح لسانك واعتلا شانك |
شـكــرأ على المرور يالنعماني
ويعطيك الف عافيه وسلمت من كل شر |
اهلا وسهلا ومرحبا...بالشاعر القدير..عمر باذيل الجعيدي..
انست وارحبت يالنشمي..ويشهد الله انني سعيد بتواجدك..وحضورك معنا في المنتدى صح لسانك مليون في مليون... وارجو منك ان تستمر في كتابة نصوصك الشعريه في صفحات عذب القوافي ولك مني سلامي وتحياتي اخوك/خالد بن مهنا |
كلاااام جزل من راس جزل سلمت يابو طاهر على قصيده رائعه ليس بغريب وانت من وادي تبرعه الحبيب هذا الوادي الشهير بشعراءه ورجاله الافاضل ، دمت بخير وسلامي على اهل ( علط ) ،،،،،،،،،، حد من المشايخ ،
|
هلابك اكثر واكثر
اكثر من رمل الصحاري واكثر من موج البحاري وصح بدنك ونا السعيد بتواجدي بينكم ويسعدني ويشرفني حضوري لجل الطيبين شرواك وشروا الموجودين الجميع ولك مني خالص شكري وتقديري على مرورك الغالي |
اقتباس:
شهاده اعتز وافتخر فيها من رجال شرواك وصل سلامك ان شاءالله وماحد من المشايخ موجود معي |
بسم الله الرحمن الرحيم
لهل السقيفه قال بــــوطـــاهــــرعــمــر مني تحيـــــــــــــه تبلغ لهم بالمسك والكــــادي وعـــيــــــــــدان الدخـــــــون تـــبلـــغ جـــميع الناس والشـعـــار طــــبعــن لـــــولـــيـــه اهــلي الــمعاني والــفكـر كــلهــم جـليـلـين الــقــــــــرون نـــفــسي لـــهــرج الــشعــر ياالــشعــار دايـــم مـشـتهــيه فتح الشهيه عـــنـد خوكم بن عــوض اشـــجــا اللـــحــون شـــلــو مــع خــوكـم عـمـر مـن قبـل مـتـجـيـه الـمـنــيــــه فـي الـكـمـبيـوتــــر مـــامعــه خــبره مـــثيــل الـتيـــلفــون قــــالـــو كــتــب في الــكــمبــيــوتــربالــحروف الابـجـديه قــلـت البــلا قــوقــلــه واليــاهـــو يـخــيـبهـا ظــــنــــون والحــاصل انــي مـعـرف اكتــب فيــه يــصــحاب الحــميه والــعــفــو نــطــلـب مــنـكـم يـاـسل حـمـران الـعــيـــــون |
اقتباس:
شكر اخي عمر على هذه الابيات والقصيده السابقه كامله اهلا وسهلا بك بيننا شاعر متمكن |
اقتباس:
يامرحبا بالقول ذي طعمه كما طعم البغيه=اعداد ماالكاين وذي قد وكان واللي بايكون من عند ذي يوزن كلامه بالرطال البندريه=ابن الجعيدي نون في عيني وفي كل عين نون يامرحبابك الف ياشيخ الجبال المعتليه=وصلك بني مره بهم كل العرب يتفاخرون لاتشتكي لاياعمر لاجتك من صاحب اذيه=ولا غلط مره ترى كل الاوادم يغلطون والناس حد منهم نحاس اغبر وحد فضه نقيه=مايستووا واصابعك في اليد مابايستوون والكمبيوتر فيه اشياء ظاهره واشياء خفيه=باتعترف للناس ذي هم بالمدى بايعرفون وانحن معك في اي خدمه والوعول المربعيه=ذي هم معك في المنتدى لاحتجتهم مايقصرون وسلام لك يالوادي الاعوج ولك مني تحيه=مانساك لانك فيك حلوا ناس ماباينتسون من قال لك خالد في الغربه سلي يكذب عليّه=لاشي سلا فيها ولا راحه ولاهم يحزنون |
الساعة الآن 12:51 PM. |
Powered by vBulletin® Version 3.8.9, Copyright ©2000 - 2024, Jelsoft Enterprises Ltd. TranZ By Almuhajir