ياعيون المكلا سحر عينك سحرني=خافي الله في عاشق بسبتك مسحور
قد جمالك وحسنك يالحبيبه جبرني=جيك لا برع السده من الشوق مجبور
حبكم خدر اعصابي وعاده اسرني=في قفص داخل القضبان عاشق وماسور
حبكم ذي ذبحني ريته الا قبرني= عند بابك ليوم البعث فالقبر مقبور
حبكم ضاعف آلامي وعاده امرني=كل مامر طيفك صرت لك عبد مامور
حبكم شرخ افؤادي وزيد احتقرني=مثل ماقالو المهره انا صرت حاقور
حبكم سهر اعياني وعاده عورني=يوم قدني عور صلطلي الصور والعور
حبكم ساقني للركب حتي قطرني=كيف بفلت وانا بالقيد والحبل مقطور
ارحمي كلمي لي خوش شوفه هجرني=والعسل ذي معي شله ولقمه يهجور
يوم شل ذي معي صهر الفضيحه غدرني=لعن ابوها صهاره يستغل صهر مغدور