عهدنا ابو محضار يرحمه الله مع الناس دوما يشاركهم الافراح والاحزان وفي هذه الاغنيه يواسي اهل البلاد كافه بعد كارثة السيول التي اصابتهم
سال من رحمة الله كل وادي= ياسعاد الزبينه يابلادي
اصبري واسهري لاتغمضي العين= كل ما جاء به الله زين
للقدر بافتح قلبي على بابين= كل ماجاء به الله زين
شل نفسك رفع يابن عبادي=سدة الخور والحوطه تنادي
جالك السيل من مطراق حنين=كلما جاء به الله زين
للقدر بافتح قلبي على بابين= كل ما جاء به الله زين
ايش باقول ذا شي غير عادي= عادها مابداء وقعت كما ذي
سيل وادي عدم في وادي العين= كل ما جاء به الله زين
للقدر بافتح قلبي على بابين = كل ما جا ء به الله زين
يالمكلا احفظي عهدك وحادي=ياتريم اجعلي خاطرك هادي
لاتقولين ياسيؤن يهوين=كل ما جاء به الله زين
للقدر بافتح قلبي على بابين= كل ما جاء به الله زين
ياشبام اصبري عادك تمادي=لاتحرقين بالأنّه فؤادي
عادنا عالمدى باوفي الدين=كلما جاء به الله زين
للقدر بافتح قلبي على بابين= كل ما جاء به الله زين
ياعدن ياتبن يا ابين تهادي=ياهل شبوه الشراقي والنجادي
يامحبين في الغيظه وحصوين= كل ما جاء به الله زين
للقدر بافتح قلبي على بابين= كل ما جاء به الله زين
كلّنا بانظم مرّه الايادي=في القرى والمداين والبوادي
بانقوي العزيمه بيننا البين=كل ما جاء به الله زين
للقدر بافتح قلبي على بابين= كل ما جاء به الله زين