[عمر خريص]

الشاعر الشيخ محفوظ العطيشي رحمه الله من اهل (الصداع) وهي قرية اوضاحية من ضواحي غيل باوزير ، وهو شاعر قدير رغم اميته وله في الشعر باع طويل وهو من الشعراء الذين تأثر يهم الشاعر الكبير المرحوم حسين المحضار .

وعمل العطيشي في الفلاحة والزراعة
وقد اشترى حمار واطلق عليه أسم (صباح الخير ) الا ان هذا الحمار مات في ريعان شبابه فورث الحسرة في قلب الشاعر ورثاه بهذه القصيدة :ـ

[poet font="Simplified Arabic,4,coral,normal,normal" bkcolor="burlywood" bkimage="http://www.alshibami.net/saqifa//backgrounds/9.gif" border="none,2,darkred" type=0 line=200% align=center use=sp char="" num="0,orange"]
خمستعشر يوم في الشحر جالس الى ما التحقت ماشيه زينه صغيره=سهل الله بالشعل لي ماشي مثيله لو سرت من دوعن الى ما عسد وعسير
وعاده الا حين شبت ثنينه والحب جار فيه والقامة نشيره=بايقرب الارض لك كما تقص البوري وتفكر لجمرتك والتعمير
خرجونا قبل حد يبتلينا وتسير بيني وبينه حريره=يشل مركوبي ويسرح وندحق وتعرفنا في الحفى مااقدر اسير
جاء عمر صالح بغانا نبيعه باربع مائة لعوض محمد بن قويره=وقلت لو ماكان ماقعت دوله هديت عاداره وكسرتها تكسير
ونا اشوفه خير من سنقفوره والنقب والحزم ومحارث عبيره=لاطرحت البردعه فوق ظهره ركبت وعطيته لجامه قبضت السير


انتقل يحتاج مني زياره ع الحول وبغيت له قبه كبيره=ويجمع العقال ياقوم ختمه عادنا بخسر لقبره بغى تنوير
قد رسلنا خط لاهل المكلا والشحر والغيل قد معهم شهيره=قلنا لهم لا حد يلقي حراوه وان شي عرس سكته ولا له زمر وحيير
ميلوا مني شواره وحبله لا شفتهم بيتت عيني سهيره=حد معه شي طب لي بايوافق بايخلينا تناسى صباح الخير
والطريق الاوله لينا عبرها انا وياه جنبتها برضى وخيره=لجيت باعبر ذكرته تنكد الخاطر ورجلي حزت ماتسير
وان جيت للدار ماوافقتنا حصلتها ماهي على العادة نويره=العشاء تحتي ونا مالمسته تهمر ونتأسف لحتى خروج الطير.

[/poet]