بدأ العولقي(بدن ذكر اسماء)وقال :
يقول العولقي ياعالم الاسرار فرجّها=على من ضاقت احواله من فراق الوطن والحور
على الدرب القوي ساير وخيّل وين بارقها=كناني وهم وسلاحي ارى ماهو ابو ناظور
قال ابوحامد بافياض:
يقول المهتجس شاعر سلام ما الارض يسقيها=سلام ما رعدها ينهم ويمسي وادنا ممطور
طرحت ابيات يا شاعر وجبت الشوق يرويها=بدون اسماء مكتوبه لعد ناصر ولا منصور
قال صالح اليماني :
عليك الله سمعهم قصص من حبنا انشرها = عسى من غاب بايحضر وانا ماباه يقع محضور
وقد كانت لنا قصه وفاء واخلاص نسايرها= حبايب كلنا واخوان تبلور حبنا بلور
كحيل العين عذبني وعيني سال ماطرها= عسى ياخوان يفهمني وله وافي الامجور
عسى يرفق أبحالي وكبدي لايطرطرها = ويسقيني عسل صافي ويطلقني من الماسور
قال بدون ذك اسماء:
اسمّع من ؟ جروح القلب ماحد بايشاطرها=
ترى افضل لنا بالشعر مشاعرنا نعبّرهـا=
لان البوح مايشفي جروح الهاوي المقهور=
وهذا عيبنا لما عشقنا في حمـام الـدور=
تجارب كلها مرّه عساء ماحـد يكررهـا=
قال صالح اليماني :
قصيدة ليت يقراهـا مـن ولهـا لا اخرهـا=
وليته لويعيد الحـب لنفـسً كـان اسرهـا=
قال ابوحمد بافياض:
يقول المهتجس شاعر قوافـي جـات مافهمهـا=
جروحه قـال ذي يبـدع الـه الكـون يعلمهـا=
قال صالح اليماني :
عليك الصبر واتجهال بغلطاتـه ومررهـا=
وصبرك عالذي صدك بنار الشوق اسعرها=
قالت عيون المكلا (بعد حضور متأخر قليلا ):
من الواقع انا بشكي لكـم والله مدبرهـا=اذا جاء منكم طـاري لابنلـف ولابنـدور
من الحاضر معانا سالفه والبعض ينشرها=تعلق قطب بانانا وسنبوقه غرق في الخور
قال ابوحامد بافياض:
يقول المهتجس شاعر ...هدمت احصون تبناها=
انـا باسايـرك بجبـال نطلعهـا ولنزلـهـا=
قال صالح اليماني:
تعـال الان حاورنـي ونفسـي لاتكـدرهـا=
جروحي تشبة اجروحك وماضنيـت تنكرهـا=
قال ابوحامد بافياض:
يقول بوحامد الشاعر قوافي الشعر نقطفها=
بحر الشعر باخوضه وامواجه انا اغطسها=
قال صالح اليماني :
قصصنا ابيات نكتبها ونرويهـا و نذكرهـا=
دخلنا اثنين مانعرف امور الحـب نهجرهـا=
قال بدون ذكر اسماء:
هلا باهل اليمن ماجاد فوق الارض ماطرها=
يمن غالي عصابه فيـه ياربـي تدمرهـا=
قال ابوحامد بافياض :
يقول المهتجس شاعر قوافي الحب ما ارغبها=
دخلت اليوم في شرحك بافكاري انا اجمعهـا=
قالت عيون المكلا :
قل للمهتجس ساحـر يطلمسهـا ويسحرهـا=وخوفي لايقع صاحبك منه بالعمـل مسحـور
دروب العشق للعشـاق تطولهـا وتقصرهـا=ومن له عقل يوزن بين حلان العشش وقصور
قال ابوحامد بافياض:
يقول المهتجس شاعر حدودي وانت حاذرها=
يمن بهواه من قلبي ومن دمي انـا افداهـا=
قال صالح اليماني :
نصحتك لا تقع غافل وتبكـي فـي خواطرهـا=
وقيفانك علـي انثرهـا ولاتبخـل وعطرهـا=
قال ابوحامد بافياض :
يقول المهتجس شاعر عيون اليوم با ابصرها=
مصائب في الهوى جمه يضيق الوقت عددها=
قالت عيون المكلا :
بلادك ذي عليها البار يخربهـا ويدمرهـا=صحاب الهيمنه والقرش والتخزين والناظور
لهم مايستحقوا من عذابـه ذي مسخرهـا=بأمره يرجع الآمر متأمـر علـى المأمـور
انتقلنا الى قافي جديد
قال ابوحامد بافياض :
يقول المهتجس شاعر سلام الاف محسوبـة=
دخلنا بحر ما يرحم فيـه امـواج مقلوبـه=
قالت عيون المكلا:
هلا باللي قوافيـه ذهـب للنـاس مكتوبـه=صياغـه محكمـه فـي الخـط والمكتـوب
دخل بحر العرب بتشوف عاشواطيه منصوبه=خيم سكانها مايعرفوا المرفوع والمنصـوب
قال ابوحامد بافياض :
عيوني لا بكت فاضت سيول الدمع مسكوبه=على من حبهم قلبي يبات الدمع لي مسكوب
اسف قد باعني بيعه ولا با يفيد معتوبه=تحملت العناء منه ولا با يفيدني معتوب
خيم في الساحل الغربي بها سكان محبوبه=زاد الشوق في قلبي شعل بالنار للمحبوب
يبات القلب له شاكي ..غدت ذا الروح متعوبه=متى بالقاه في الدنيا ونسّم خاطري المتعوب
قالت عيون المكلا :
عيونك دمعها غالي وكل واحدبأسلوبه= محبك ربما بالعقل والتدبير والاسلوب
يتعامل معك في كل شي ودموع مصبوبه = كما الماطر بغيث الصيف على /////////////////////////كم مصبوب
معك في الساحل الغربي وشي عندك في اجنوبه = تخيل ان محبك مسكنه في منتصف لجنوب
اذا دقات قلبك صوتها اعلان للتجنيب والتوبه = تجنب منهم وعسى محبك لاصحي بايتوب
قال ابوحامد بافياض :
كيف الزين يتركني وروحي فيه مرغوبه=بحور العشق بدخلها انا راغب وهو مرغوب
ضاع العمر في دنيا بحوري كان مطلوبه=اسير الشوق بو حامد لسجن الزين هو مطلوب
يحن القلب في ذكرة وفي كفين مخضوبه=متى يا دمع با تُمسح بكف الزين ذي مخضوب
كيف الروح تتجنب وهي بالشوق ملهوبه..؟؟=متى با يتوب من ذنبه ويطفي خاطر الملهوب
قالت عيون المكلا :
ومابين الاحبا ناس فتانه ومسبوبه= واحيانا بحور العشق يعكرها رذاء المسبوب
وعمرك في رضاء ربك احسن لك من ادروبه=حجر عثره يقع او انت تتناثر على لدروب
اذا اصدقت في النيه تقع زاده ومشروبه= ويامحسن اذا بالطيب تقبل نخبه المشروب
على سنة محمد تلتقي وافكار مشطوبه = من الماضي لكم بعد اللقاء كل الخطأ مشطوب
قال الرقيب :
عيون الزين تذبحني وساعة ود ملعوبة = نصيف الليل نلعبها ولاحد يكشف الملعوب
سمرنا بس انا وياه سمر باعوم والنوبة = واسقاني عسل صافي بغية من جبوح النوب
قالت عيون المكلا :
سمر باعوم له ذكرى يظل امجاد لشعوبه= وعاد العولقي ان قام بايحرر امم وشعوب
دخل ولا خرج في دار بالاحجار والطوبه = بنوها اهلها ماهو بوضع الطين تحت الطوب
قال الرقيب:
وحدتنا كتبها الله من حاشد الى الجوبه =عساء يارب تحفظها ويبقى حلمنا الموهوب
بغينا نصلح العاطل ننقي الحب من شوبه=يسعد شعبنا الكادح و يشفى جرحنا والصوب
انتقلنا ايضا الى قافي جديد
قال ابوحامد بافياض :
يقول ذي يبدع سلام الفين لك يا واد مفرع = يا واد محكوم الشعاب
قد حن قلبي قال شاعر في العشق قد قلبي مولع=طاب السمر والشرح طاب
يا اهل الهوى ناديتكم يا ريت ذا المحبوب يسمع=في العشق ما ابغيت العتاب
هاوي وانا بالعشق هاوي ..في العشق له بطرح وبجمع= ضيعت رقمي والحساب
قالت عيون المكلا :
ردوا تحيه له باحسن منها ياقوم تبع =ومن سئل حصل جواب
العشق له قانون ماهو عربده منه وتجزع=لى حيث لك رغبه وحاب
مايسمعك متجاهلك وانت من وديان تقلع = اغراس في احسن تراب
اهل السمر والشرح اختاروا لهم جلسه ومرتع= سابوك ياساكن وصاب
قال بوحامد بافياض :
يقول بوحامد بانار العشق جسمي قد تلبّع=الا يا لهيبي با الهاب
سهم الهوى في داخلي لاهو انخفض ملزوم بارفع=يا سهم غالي بكتتاب
با يسمعونه صوت قلبي ...ياناس فيهم ما تقنّع=شيبة وقالو لي شباب
حتى ولو سابو فؤادي ما غيرهم في الحب يشفع=مسكين بو حامد وخاب
قالت عيون المكلا :
نار الهوية حارة كيرها احيان يلسع= باين على قلبك مصاب
باين من اعيونك على المحبوب تدمع= ماهني بزادك والشراب
ماشي دواء للعشق غير الصدق ينفع=وبعدها احسب حساب
واحذر بوادي صاحبك يهواه تخدع = تحرق سهوله والشعاب
وحضر شاعرنا الغالي بن قطمان وقال :
ويقول بن قطمان بدخل في سعفكم وابغى تبرع=لايالمحبين الصحاب
بيدي عصيه خيزانه وافسحت شوني فالمظلع=ولا علّّيّه شي عتاب
لانني لازلت واقف خارج حدودك يالمربع=ومنتظر رش السحاب
باقول ياحيا سمركم ياريت بوحامد بيسمع=حيا الرجاجيل الصلاب
والشاعرة بنت المكلا اشوفها تنزل وتطلع=تصرب على القافي صراب
قالت عيون المكلا :
بنت المكلا في الحرير الزين للشعار تـذرع=انــســت يـاجـنــاب الـجـنــاب
ماحد يترك في السلوبه الخيره من قبل يوضع=عــلامــة الــجــودة كــتـــاب
وقال بن قطمان :
يامرحبا باهل المسامر ونا معك فالبحر بجزع=يوم السمر للناس طاب
ون جبتني داخل صحاري بقطع معك بالخط بقطع=للبر شديت الركاب
والقافيه ماهي عجيه واللحن فيها قد تنوع=مبني على نظم الكتاب
والصدر له ميزان وحده شرحي ويعجبني مرصع=والعجز ياتي عالطلاب
هام وعاجل :بعض ابيات من المساجلة لم تظهر ياليت احد من المشرفين يدخل وينسقها ثاني مره ليظهر المساجلة كاملة !