اقتباس :
المشاركة الأصلية كتبت بواسطة عمر الذيب
[ مشاهدة المشاركة ]
|
لعقال رمز العرب وشعارنا الازلي=كانو العرب كلهم عالراس يلقونه
وان حد نسي او تخلى عنه ما دخلي=باقول غلطان هو ماهو انا الغلطان
با لرغم انه ابد ما حط عا عقلي=ولا لمس شعر راسي يوم وقرونه
لكنه الرمز في التاريخ لي واهلي=اهل الجزيره وما جاور عرب قحطان
اللبس ما با يحدد اصلي وفصلي=حسب المثل لي من اول لي يقولونه
كل ارض بحجارها ترجم ولا يملي=لبسي علي في مهاذر غربتي انسان
عمر الذيب
|
هذا اعترافك وتبريرك يأكد لي =انها حقيقه وماهي زيف يرمونه
عالحضرمي ذي اغترب ووصل نيودلهي = لابس عمامه ومأزر يوصل السيقان
مانحب انا اللون لاابيض ولاكحلي = اميل للون لسود ذي يلبسونه
اهلي واهلك والسعدي كما الفضلي = يتسابقوا عالاصاله ذي لها عنوان
القرب زلفى ضعيف النفس متخلي = عن التقاليد والعادات وفنونه
بدل بها لجل يرضي العنجهي القبلي =ذي يرفض الغير والآخر مهما كان