هذه قصيدة الاخ صوت سيبان ويشرفني ان اجاريه ان جاز التعبير برغم انه شاعر متمكن ولانملك موهبته الشعريه ولكن نتشرف بمحاولة التفاعل معه . ملاحظه بسيطه التزمت بالقافيه ولكن على وزن اخر. والسبب انني اطلعت على القصيده في وقت والرد جاء في وقت اخر ولم تسعفني الذاكره ببيت من قصيدة الاخ صوت سيبان كي اوزن عليه ولهذا جاءت ابياتي على وزن مختلف . استسمح الاخ الشاعر
الف حيأ بذي هرجـه يطيـب الخواطـر=مايزعّل ولي يأثـر علـى الحـال تأثيـر
هرج ممتاز خلاني كمـا السبـع ساهـر=مادري (ع)صروم البدو من وين با غيـر
يشهد الله بأنه شخـص عاقـل وشاعـر=يعرف الصلب ذي صدأ وذي فيه تشعيـر
له تحيات من يبعـث وصـوط المشاجـر=كلها عطـر باريسـي نصـدره تصديـر
للرجاجيـل ذي حلـوا بـروس العـابـر=لي يجونك على الصيّاح من دون تفكيـر
يرفعوا الراس في عيوه ونقعـة عساكـر=مـن يضاهيـك ياقائـد تقـود المغاويـر
بعـد هـذا وذا جبنـا القلـم والدفـاتـر=بانجوب وبنسطـره فـي النـت تصطيـر
تشتكي ياعلـي وتقـول ذا ظلـم جائـر=نشفوا الجابيه ول عاد قطره فـي البيـر
والفوائد معد شـي قلـت لاجـاك تاجـر=شـل ظمـارك وللقالـك مهابـه وتعبيـر
ون تكلمـت زايـد بـي لقيلـك وقاصـر=كل شغله ملامه فـي صحابـه وتقصيـر
يا الهلالي بغيت الصدق حاضـر بحاضـر=رد ودقق وحط في الباب خمسه مساميـر
باتشوف الخلل موجود في حسيـن ماطـر=ذي زقلبك مثيل العـود بيـن المناشيـر
باعكم بيـع فـي ظلمـه وبعديـن غـادر=من يسوي كذالا يـا الرجـال المناعيـر
قمـت العيـب سواهـا بقـف العوامـر=هدم البيـت لـي بيـدي معمـره تعميـر
كــل ملـقـاه مالقـتـه أم الكـبـائـر=صغـر أكبـار وصغيـره كبـره تكبيـر
لت تعاطف مـع المفسـد ولا كـل فاجـر=ولا تسايره بل البـاروت فجـره تفجيـر
شف جروحي تخروالصوب في الصدر نافر=غير هـذا وذا سـوو فضائـح وتعويـر
والمبـادي يبيعوهـا قــلال الضمـائـر=ون تكلمت مـر فوقـك دركتـر بجنزيـر
ليه تحزن وتتنـدم علـى ُمجـن سافـر=أحمد الله لي قـد طهـر الآرض تطهيـر
لو تقارن وتوزن لـي الخمينـي وجابـر=بدعم الشيخ ذي قد جبـر العظـم تجبيـر
يامرحبا ببيات من شاعر ولاهو أي شاعر=ذا صوت من سيبان أحسبته جمل يهدر هدير
صاحبه كبري وأعرفه من سمح وجداده أكابر=أهل الفصاحه والبلاغه في الصغيّر والكبير
ذي يوزنون القول واحروفه وعاده في الحناجر=وشرعهم وافي ولاحد منهم شرعه قصير
وبعد ياهاجسي نبغا رد عا مخلوق شاطر=وابغاك تحذر لاتزل خليك يالهاجس حذير
وان جيت باتمشي بخط حذرك تيامن أو تياسر=تم في الوسط لما تشوف الدرب ذي مشيه يسير
واحذر من الشيطان يفقع لك بشن واتكون خاسر=واتضيع جهد اسنين في لحظات لاتعطيه تير
وابغا طموحك لايوقف هاهنا مادمت قادر=بالطيب بالمعروف وان مافاد بالسيف الشطير
رأيي وأبديته وأنته حُر لو لك رأي أخر =وانك مصّر قع لولي لاتعمد الصف الاخير
وخلك قيادي والحذر للخلف يالهاجس تناضر=اما تصل مقصدك ولا ما أشوفك لو تطير
وياتعيش وابعزة رجل ويقال هذا شخص ثاير=وياتموت وانته رمز وانخلدك في راس النظير
وان عُدت لي مهزوم ولا قلت لي في يوم خاسر=أبشر بحب الذايبي وبعدها في عين بير
والختم صلوا عل النبي مولى الكرامه والبشاير=الهادي المختار هو المرسل وللامه بشير