[ابوفضل سالم]

اقتباس : المشاركة الأصلية كتبت بواسطة خالد سالم بن مهنّا المري [ مشاهدة المشاركة ]

تحرميني ليه من [صوت الكناري]=قلبي اللي يعشقك لاتحرمينه والخدود اللي عليها.. الدمع جاري=ايش باينقصك لما تمسحينه!!! انتظرت وطال صبري وانتظاري=ذاب قلبي من كثر شوقه وحنينه فيك علقتيه واصبح بك يماري=كان مالك قصد به لاتعلقينه كان صمتي بين هاالعالم جداري=اخترقتي الصمت في لحظه ثمينه يوم كلمتك.. على حسب اختياري=ماكفاني حرفك اللي تكتبينه ليتني مااخترت لكن مستشاري=في المحبه ..عاطفه.. ماهي رزينه وبعدها اظهرت ضعفي وانكساري=ودون مااشعر صرت في يدك رهينه غيرك انتِ مابه أي مخلوق داري=باالذي بيني وبينك ياالحسينه واوعدك ماجيب لأي انسان طاري=مهما كان وتبقى اسرارك دفينه بس ابا منك طلب ...لكن حذاري=الطلب غالي علي لاترفضينه سمعيني دائمأ صوت الكناري=وقلبي اللي يعشقك لاتحرمينه

خالد بن مهنا شاعررقيق عواطف
استطاع من خلال هذه القصيده ان يحلق بنا بعيدا في سماء القصائد العاطفيه
وفي اعتقادي ان قصته قصه حقيقيه فهنا نشم رائحة الكلمة المعطره الملونه بالوان مشاعر العشق
والاوراق المرسومه بالورد والقلوب وسهام الغرام والحب الدافي
ويصور لنا حسرته على ماتكبده من وقت في سبيل سماعه صوت الكناري ( احبك يابابا )
فهي من وحي والهام فكر شاعر شاب رقيق المشاعر يبين لنا الحياة التي يعيشها
بنكدها وفرحها ودموعها وحلوها ومرها وقد اعد لنا وصفا دقيقا
هذا ماقدرت استنجته من هذا النص ولست باديبا ولا كاتبا
وفي الختام اقول عانك الله يالعاشق على ماتعاني
تحياتي لك تعداد سماعك لصوت الكناري
ابو فضل سالم