[عبد الرحمن الحضرمي]

صحيح كما قال الشاعر باعكيم :-
كفّيت ياخو فهد لجل الحضرمي لبّيتها
ماهو لاجله لي يقس باسم الحضارم جاي بيت
إنكب عليها الدعم بديناتها وونيتها
حملات بالمرسيدس يسبقن التكاسي والونيت
كثرت عطاياكم عطيتوهم حبوب وزيتها
وفوقها منّـه على خيمه وعا جالون زيت
فرشانها وخيامها الزينه فين اخفيتها
يامجلس العقال الايام تظهر ماخفيت
واميات مليارات ياريّس فين ألقيتها
يشهد عليك الوقت والتاريخ يحفظ مالقيت
بيع الكنابل والخيم في سوق عـنـس راءيتها
وخاب ظني في صحابي ريتنا الا مارأيت
والكذب في الاعلام والاضرار تمّت حيتها
لسمعت كلمة في الذاعه قمت من نومي صحيت
ياالمجلس العود المطحطح بعتها وشريتها
قوت اليتامى والحرم بفلوسها ذنب اشتريت
يالمؤتمر مابك ثقه من بعد لي سوّيتها
والله لا امّنك حتى عالبان وبسكويت
كم من معونه جات للمسكين ظلم اكليتها
وكم وكم أشياء ماتعتد في بطنك كليت
قـصّـتك رذله وانت رذله ريتنا ماحكيتها
لاننا غلطان في ناضرك لا قمت وحكيت
ياويلهم من ربهم مبخوتها وبخيتها
الزين والعيف العمل تلحقه قبلك يابخيت