[كابتن طيّار]

(((ياملك ياذو الجلال)))


الجو رومنسي جميل وشاعري
اطلق عناني للتأمل والخيال
جلست ناظر لجل متع ناظري
واتأمل اسرار الطبيعه والجمال
فكّرت كيف ان السحاب المعتلي
تطلبه قطرات المطر روس الجبال
كن الجبل عطشان ناره تصطلي
مابايطفيها سوا مزن السبال
ضعيف في موقفه رغم انه قوي
وفي امس حاجه لشربه من زلال
والشخص مهما عاش في موطن غني
وبيدّه السلطه وعنده راس مال
يشتاق لاموطن جدوده لولي
ومستحيل انه يبدّل به بدال
والبعد والغربه عطش مايرتوي
الا بماء قرب الاحباء والوصال
وعلاقتي بالموطن الحر الابي
تشبه علاقات الاجابه بالسؤال
وبعد شوفي عن نواحي ديرتي
اثر على عيني ومنها الدمع سال
لولا ضروف الوقت والحظ الشقي
برجع الى بلادي بسرعه واعتجال
ارض الكرم والجود والشرع الوفي
الارض لي ربت صناديد الرجال
احمل لها في داخل القلب النقي
اطهر مشاعر فقدها اكبر محال
كيف اجحد امي او افرط في ابي؟؟!!
واطاوع النسيان وافتح له مجال
والطير لي صوته اذا غرد شجي
رايع وعذب ..اعذب من الشهد الحلال
اتخيله دايم يرن في مسمعي
في اذني اليمنى وفي الاذن الشمال
واجمل ليالي العمر لي مرت علي
فيها..وذكراها بقلبي لاتزال
لاذكرتها عالخد صبت دمعتي
واحس في جوفي كما طعن النصال
يالله يارباه سالك ردّني
الى بلادي ياملك ياذو الجلال

وكل ماجاني فهو مكتوب لي
والحمد لك والشكر لك عاكل حال