مطرت والا سنينا
حسب ظني واعتقادي في العصور الاوله=عصر بوعامر وجدي خير من تالي العصور
عاشوا أيام المجاعه والظروف المخجله=في رباء الاوطان مابين السواقي والذبور
القناعه كنز لايفناء ثماره مسبله=والرضى جبر الخواطر والحنايا والصدور
ماشكوا من ارض ربتهم طباع المرجله=او تخلوا عن مساقط روسهم عمداً وجور
شابوا الغربه وطاريها قنع لوتقتله=ماتحرك فتر من أرضه رضاء لأم الزقور
لكن اليوم المراحل غير ذيك المرحله=التهينا والتبشنا بالتفاخر والغرور
مافكرنا غير في جمع البقش والديوله=صاحب العوده وصلكم وسعوا له يالحضور
وصاحب العوده يكالفها ديون املتلته=عامد الغربه يصاليها المساري والهجور
ما من الغربه سوى قطب النسم والبهذله=ومن عرفها عاحقيقتها وما فيها يدور
قال ماباعيش في غربة مهونه مخذله=خير لي ارض بلادي حيت فرعي والجذور
أرض ربتنا هي الاولى وعندي مفضله=عالدول لي زرتها او عشت فيها في كدور
ماباش يالعدي ولا باء الفشخره والقعزله=منتي حسن مني ولا من اهلي خماسي باتبور
لن الوطن داري ومقداري ولا باتوله=كل من خرج من باب داره باتلفخه الصقور
واليوم هذا ما استفدنا غير كثر البلبله=وياريت حد في ذا الزمن يمسي على ارضه غيور
والناس ذي الايام تعرف للسّوق والمحيله=الصدق ماشي بين خلق الله وفي الهرجات زور
القصد بانصبر وربك رزقنا بيسهله=ان شي مطر والا سنينا فوقنا رب (ن) غفور