كلمني عن جروحه وأنا من سبته مجروح
يسولف لي عن أحبابه وأسولف عنه لـ حاله
أحس في دمعة عيونه وتطلع من بكاه الروح
وإذا يفرح مع غيري بكى قلبي و هنـــــــاله
رسمته في قلم ناشف على قطعة خشب من لوح
و تهيـــــــألي يحاكيني ويبيني أرسم إظلالـه
تحرك طيفه الدايم . ولَعَب في حسبتي بجْموح
يحب الخيل وأشعاري عشانه صاروا خيالـه
وصار بـ عيني الأجمل مع إنَّ شوي هو مملوح
ولا غيره مـــــلا عيني وقلبي بس يصفالــه
ذبحني قلبي الساكت متى قلبي عليه يبوح
أحبـه وماعرف إني أحبـه وأعشق وصاله
كتمت وهذا من طبعي وتمنيت الغلا مفضوح
ببين لـــــــــه ولا أقدر مع إني جالس قباله
أخاف إنّه بعد مُده يطير ومن إيديني يروح
هو نعمة من فضل ربي ويقولوالنعمة زواله
لي قلبٍ من كثر حُبه على فراش التعب مطروح
لا هوميت ولاعايش ووالله إن مــات أشواله
وحبي من طرف واحد غلا صادق بدون مزوح
وإذا هو طـــــاح قدامـي نزلـه قلبي و شــاله
شكالي وكنت له أسمع وقلبي دوم له مفتوح
يطمني عن أخبـــــاره وشنهي آخر أعمالـه
وإذا شفته خطا بـ حقي بدون أعذارهو مسموح
في نيـــــــاته ولا يدري وطيبة قلبه همالـه
في جياته يروح الهم , ويبدِل دمعتي بـ فروح
تمنيت البشر مثله وكل من حــــولي أمثاله
من الله حُبه في قلبي حشى مالي ترى مصلوح
عسى يكبرويذكرني ويسمي بـ إسمي عياله