المناسبه :
زيارة والدي يرحمه الله بالحلم بعد وفاته بعشرين سنه
وكان يسألني عن حالي وحال أخواني .
في الحلم جاني ينشد اخبار واحوال =وشلون حالك ياعسى منت خالي
يا ناشد احوالي على مر ألأجيال =تلقى وليدك في المقاييس غالي
انا اليتيم اللي توكل على الحال =من بعد ربه ماشكى ضيق حالي
وانا الصغير اللي وزن سبعة رجال =وانا الضعيف اللي يهد الجبالي
وانا الفقير اللي نفق رؤوس الأموال=من أجل يرفع راس عمٍ وخالي
يا بوي لا تهتم من خلفك جبال =من بعد موتك لا تهم و تبالي
شاعر مهندس راعي الجود خيال =عابد لربه ويرتقي للمعالي
هذا القصي فينا اذا جذعنا مال =وشلون جذعٍ قد سما للعلالي
وسلامتكم
أخوكم
شاعر بني نهد