[أبوعوض الشبامي]

اقتباس : المشاركة الأصلية كتبت بواسطة بن احمد [ مشاهدة المشاركة ]

للشاعر ابو سراجين ذا فصل والثاني جريّه قعت عـا التيـس الحمـر=الله يصونك يا منى الخاطـر وقـرّت كـل عيـن سبعين ساعه وانت عا تسبح وسـط غبّـت قمـر=عبـرت ليالـي عشـر لا ليلـه ولاهـي ليلتيـن وش جاك عا ذا الشّور حد يطردك او بك شي عور=البئـر مسقوفـه وفـوق البئـر سـدّك ركبتيـن لو كانه الا تيس غيـرك كـان بـا يغـدي طيـر=حيّاك لا يا حاني القشعـه بضنّـي الاصـل زيـن لا صوب في راسك ولا عسفه ولا عظـم انكسـر=قوتك بضنّي تخ ما تضلّي تقسقـس فـي العديـن مطط رجوله لـق شويّـه دهـن وشويّـه شعـر=ونفشه في الرقه صبيح الوجه راضـي الوالديـن ومنّهـا والغيـر لا قـد غـدرت عـد النّـشـر=لا شفت شي قاصـر تخبّـر قلّهـم تيسـي فييـن وان كان قلبك قد قنـع مبغيتهـن عطنـا خبـر=با جيب بدويّـه وعـا كـل راس بدفـع عانتيـن تيسك تربـا عـا الرياضـه عـا يقفّزهـا ستـر=مـولى الرياضـه يقفـز القامـه ويقفـز قامتيـن وبعـد ذا كلـه سمعنـا التيـس قالولـي انتحـر=مسكين به قصرات والقصرات مـا نـدري منيـن ما جبتله تختر يشوفه خـاف عمصـوره اشتعـر=والله الرّيه راحت والّا شي مرض فـي الكليتيـن اوجبتله بـدوي مـن اربـاب المعانـي والفكـر=يكشف على بطنه يشـوف الحنجـره واللوزتيـن وان كان به شي كسر بتجيب الصّبرو اربع سفـر=وتكون عمليه تشل ساعـه ونـص او ساعتيـن التيس بـا يسلـم وبـا تفـرج همومـه والكـدر=وبا يقعله ربط في رجولـه وربطـه فـي اليديـن يا سالمين التيس ما جلـس فـي مكانـه وستقـر=غشيـم متعافـي وبيبـت فيـت بيـن الحافتيـن ارتجت الحافـه وحضـرو اهـل ليّـات العصـر=يالله صلب يالله عصب عالحبـل وطـرح ليتيـن حتى بنـات ادم ارتاعـن يـوم سمعـن بالخبـر=كلين تنشـد عـا ولدهـا منيـن بايقبـل منيـن والغيـل باتـت تندعـك جمعـان يتخبـر عمـر=من ساعة الاربع وهي حركه الى الساعـه ثنيـن وش جاك وش جازاك تتهيم لوحـدك فـي الغـدر=او حد يغوّزلك بغـا مـن لحـم ينبـك وصلتيـن ياكم وكم مثلك نشـر يسرحـن يرعيـن الشجـر=لا غدّرة بقعه عليهن حيث مـا سرحـن ضويـن ذا تيـس متيرهـد بغالـه صيـط وبغالـه خبـر=تدارك الاشياء وعادك في النفس يا بـو حسيـن صونه وعطه البيكه او بـت بـه حـوش البقـر=والله رسل به شرق عند التعلبـي وبنـي شنيـن لازم تلقي ختم لـه مـن شـان يفرحـن النشـر=والتوسعه في البيكـه والختـم فـي يـوم الثنيـن والله تلقيلـه زيـاره مثـل سالـم بـن عـمـر=وتكون في البلده والا بنـص فـي نجـم البطيـن ما شي فوائد في النشر كنه عـرف طبـع النشـر=ياكـم وكـم دقـات لا مـرّه ولاهــي مرّتـيـن وكم وكم راحو ضحيـه واصبحـو وسـط الحفـر=وتخبـرو صنعـور وتخبـر محمـد بـا حفيـن المشكله قطرة لبن لي مـا بغـا الشـاى الحمـر=قيمت لبن حق شهر با تخسره لـه فـي ليلتيـن والختم صلـو عـا محمـد سيدنـا خيـر البشـر=يا بخت من صلا علـى الهـادي امـام القبلتيـن

القصيدة للشاعر محمد بن احمد بن هاوي باوزير الملقب بأبي سراجين وهي عبارة عن مرثاة في تيس لسالمين حسين الحضرمي .

في القصيدة التي نقلتها نقص واخطاءات ، وتقديم أبيات وتأخير أخرى .... ولا اتهمك بأنك متحرش بالتراث لعلمي أنك (( تحب التحرش بأبي عوض فقط )) .....!!!!!

ولعلك نقلتها هكذا ، وللفائدة أرفق هذا التسجيل النادر بصوت الشاعر ابوسراجين وهو يروي حكاية القصيدة ثم يلقي القصيدة الطريفة .

,