اقتباس :
المشاركة الأصلية كتبت بواسطة الوقت
[ مشاهدة المشاركة ]
|
يامصلح الحال تصلح حال اهل اليمن =وتحقق الأمن وتمن بالرخاء والسلام
من ذي نشوفه ونسمع به دفعنا ثمن=غالي في السوق ويشجع على الأنقسام
ماحنا دعاته ومن منبري هذاعلن =ضد التطرف وقتل الشيخ هو الغلام
ماهي حضاره ولاهذا تقدم وفن =وين الثقافه ووين العلم والأحترام
ياحاميين الحمى لاتشجعون الفتن =حدّوا من العنف واولوا شعبكم اهتمام
بالغاز لاتضربو ورصاص ترمون من =هذه جرائم ومن منظور شرعي حرام
وين الحصانه وحفظ الأمن وسط المدن=وين الجنود الذي اليهم تنوط المهام
خيبه ومن خابت اماله يشوف الكفن =والنعش سده ونور القبر والا ظلام
لكن لي في بنادم عادني حسن ظن =وعسى ظنوني تقع لابالوفاء والتمام
لاقد خلص في مهامه بايجيب الحسن=مامنه العيف يبدر او يجيه الملام
وان خاب ظني في المخلوق ضاق السكن = بي في بلاد السعيده وان جلس بالتا م
ولعاد لي في المكلا وجه والا عدن =ولاتعز عاد لي فيها ولا ارض سام
ضاقت بي الأرض من ذي في سماها رشن=نسمع رحاها ودخان المدافع جهام
وبعد بارسلك يالعاني سأل عاحسن =باقديم واعطه خباري كلها والعلام
واسأله عد في المنيحه بايجد شي لبن=اوقد من الجرو مرضوعه وهوب الفطام
بانقنع الخيب حتى لايخذه السهن =من درّها لاقد الا الضرع جلده وخام
وان عادها تحتلب والضرع يخرج قلن = قوت الخيب منها والسمن حق الطعام
لحفظ الحقوق القصيده منقوله من منتدى سيبان للشاعر عمر العكبري
|
قصيده بدويه جميله جدا وين المغنيين لها
تشكر على النقل الجميل ايها الوقت