[سالم السقاف]

لا تظـن انـك علـى بالـي رسـيـت = ساحلـي مـا ظـن مثلـك يوصـلـه
أو أنـا تـهـت فغيـابـك وابتلـيـت =أو بعـادك كـان عـنـدي مشكـلـه
كــل مـــا فـــي المـسـألـه =
انني دارس وخابر من صديقـي والعـذول=
معتلي سقف السماء ما قد عرف نجمي أفول=
ما يهم ان كان رحـت أو كـان جيـت = كـل أوراقــك بـدرجـي مهمـلـه
عـن غيابـك وارتيابـك مـا دريــت = لنـت تحـت ولنـت فـوق الطـاولـه
والـــمـــوده قــاحــلـــه =
بيننا والغيم سارح ما أرتجي منّه هطـول=
معتلي سقف السماء ما قد عرف نجمي أفول=
أدري انـي فيـك يـا خـاوي خطيـت =والسبـب طبعـك عجـزت أستحملـه
والله الشاهـد فـي غيـابـك سلـيـت =مسمعـي مـا طـاق كـثـر البلبـلـه
بـعـتـبـرهــا مــرحــلـــه =
في حياتي وانتهت ماشي لها عنـدي قبـول=
معتلي سقف السماء ما قد عرف نجمي أفول=
وقتي أغلـى مـن فراغـك لـو وعيـت = واتجاهـك عكـس سهـم البوصـلـه
ان وميت أو صحـت أو بعـدي جريـت = مـا تغـيـر خــط سـيـر القافـلـه
واثـــقـــه مـتـكـامــلــه =
تدرس الواقع خبيـره بالمطالـع والنـزول=
معتلي سقف السماء ما قد عرف نجمي أفول=

أتمنى أن يصل هذا النص الى مستوى ذائقتكم
واعتذر عن غيابي الخارج عن الارادة