ذا ليش يادنيا الــندم = تلقين بكل عاشق عطوف
تسقيه من علقم وسم = والقلب عـــحد السيوف
ليله وصبحـــه ماينــام = وقتـــه يعــده زام زام
والنفس تردف بالونين = الله يعين العاشقين
بعدكُ تزايد بالالم = في القلب رباعي الحروف
باالله بحلف بالقسم = عيني لغيرك ماتشوف
الحب ماهو بالكلام = لايامسلم ياسلام
هذا الصراحه واليقين = الله يعين العاشقين
حبك وحُبك قول جم = مابيع حُبك بلالوف
حُبك على رووس القمم = وصفه تعدا عــالوصوف
قلبي تولعبك وهام = ياحلو يازين اللثام
حلو المباسم والجبين = الله يعين العاشقين
والله نكتب لك بدم = واشكي همومي والضروف
دمعي سبق خط القلم = جرح خدودي والدفوف
عايش على جنح الظلام = ليله كما عشرين عام
وقفت يساري واليمين = الله يعين العاشقين
ابغي جوابك لي بتم = باشوف نقشك عــالكفوف
يحيى قليبي من عدم = لاشفت جعدك عــالكتوف
البعد ياخلي حرام = يمكن يغرم بي غرام
وانتو اشهدوا يا السامعين = الله يعين العاشقين..