[الخل الوفي المشجري]

يافخامة علي صالح رجاءاً توكـــــل
يوم شعبك يبى ترحل عطاك الوكالـه

ناس غيرك تبا تحقب شنطها وترحـل
دون تنقاد او تنحط بوجه العـدالـه

حاصرتها شعوب تريد تعرف وتسـأل
كل واحد يقدّم للمحاكم ســــؤاله

وانت شعبك سمحلك بالترحّال والحـل
شعب له باع مايبطل حرامك حـلالــه

دام جيبك ملان افلوس ياخي تجمّــل
ارحم الناس ياصالح وسوّي جمـالــه

يومك اتقول عفت الحكم!! عنّـه ترجّل
نعرفك زين .. ماتبغى تفارق ضلالــه

والمحبه ترى ماهي فريضه على الكـل
حبني غصب !!! لا والله ياهي نـذالـه

لكن الحين قد قرّب ختام المسلســـل
ثلاثة اعقود قد مرّت سلالــه ســلاله

ملّك الشعب والكرسي ومنك الوطن مل
بعد مكلت والأتباع خيــره ومالـــه

شعبك اليوم متشرّد مشتّـت مذلــذل
في خليج العرب يرثى لوضعـه وحالـه

ذا يصنفر في الورشه وهذا يغسّـــل
وذا يوزّع علب صحه وذا في بقـالـه

وذا ينزّل كونتيــــنر وهذا يحمّـل
وذا على الباب يتسـوّل ولآخر قبالــه

والمكافح إذا كافح ووفّــر وحصّــل
آخر العام يدفعها رسـوم الكفالـــه

دفع جزيه وياليته معـزّز مجلّـــــل
ذلّه الوضع ونظام العمــل والعمالــه

وأنت وين أنت؟طول الوقت بابك مقفّل
قافل الباب ومجوّر مخبّّّّـــــــي قفاله

غير تنبح وتتباهى إذا سرت محــــفل
بانسوّي وباسوّي ولا شي دلالــــــه

واليمن وضعها ينزل ! وينزل! وينـــزل!
نهب.سرقه.فساد.احروب.رشوه.بطـــاله

حتى البنات اللي من العار تخـــــجـل
صارت اليوم تتشبّه في الرتقـــــــاله

ماتلاقي فتات الخبز في درج منـــــزل
أجبرت غصب ع الشارع وقيلــــه وقاله

كل هذا.. ولاتبالي بما كـــــان يحصـل !!
والله أنّك حثاله .. والموالــــي حثالــه

ولو عرفت العذاب اللي بذا القلب قد حل
تحت سلطتك بتقدّم لنا الأستــــقالـــه

قد جبرته غصيبه يهجر الحــــب لــوّل
وانا هويته هوى عــــذري ولا بدالـه

كامل الوصف محبوبي وربي المكمّـــل
كأنّه البدر لاشوّع بليـــلة كمــــاله

أو مثيل النداء والقطر وان قلت اجمــل
والله أنّه ورث يوسف برقّـــة جمالــه

أشقر الجعد وكأنّه ولد في بروكســـل
ناحل العود يازينه وياطـــول بالـــه

أحور العين من رمشه يصوّب ويقتـــل
برق لمّاع في المبسم وعنــق الغزالــه

وخد باهي مثيل الورد لاقـــد تبلّـــل
وخشمه السيف يازينه وزينة فعـالــــه

وصدر ميدان مترامي وفيه السفرجـــل
ليتني عقد في صدره ومن تحت شالـــه

ورمح بو زيد في خصره ولو قلت انحـــل
مثل يعسوب به صقبه يحن في وصالــــه

ولجل عينه انا مابدع بشي بيت مختــــل
باستغفر آلهي من كلام النـــذالــــه

وساق شفّاف وكفوفه من الحسن تخجـــل
لاوطت أرض تحسب الأرض غبّة صلالـــه



وصوت ناعم أرق من عزف ريشة مشعجـل
لاسمعته تشب في القلب نار اشتعــــاله

طاهر الروح واشرف من بنات المجلـــل
سامي النفس وأسمى من صحاب الجلالــه

من كلامه وصوته ع قليبــي تسلّــــل
واستغل ثغرة ادفاعي وسجّـــل خلالــه

مثل {مسّي} تلاعب بالمشــــاعر وسجّـل
ولالي الحول من {مسّي} ولا من قوالـــه

مامثيله في الشعبه ولا فـــــي ترمّــل
وجدفره آل باجابـــر ولا في عــزالـه

ولا في الشــام حد مثله ولا في طبرجــل
ولا في الهند حد شفنا بصورة جمالــــه

كأنّه الّا فريده من فريــــدات بابــل
وثامن العُجب في الدنيا وخامس رسالــه

لك تحيّات قلبي يالعجيب المــــــدلـل
ياملك قلب بوسامي وقاطع وصـالـــــه

يشهد الله بأنك في فؤادي محمّــــــل
وأن حذفتك يبيّن في قليبي عطالــــه

ماستغنيت عنّك وانت مثل المشغّـــــل
وأنت دعم المزوّد لي وأنت انفصـــاله

كلما جيت بتناساك عشقك تدبّــــــل
صدق واخلاص بس حالتي ياخس حالـــه

يون قلبي على لحظة فراقك ويرقـــــل
من ونينه يهز أشعيب واعلى جبالـــــه

والمدامع غزيره مثل دمـــع المهلـــهل
بعد ماجاء خبر وائل ويوم اغتيـــــــاله

بس زماني جبرني اهجرك غصب وارحـــل
والظروف الصعيبه في اليمن وانحـــــلاله

حمّلتني ثقايل فوق مانـــــا تحمّــــــل
واحرمتني حبيبي واحرمتني وصالـــــــه

وعبد ربّه وبن لحمر وصالــــــــح ولهدل
احرموا كم يماني من حضانه عيــــــــاله

ضاع عمره في الغربه وفي وســــط معــزل
يندب اسنينه الغبراء وحظّـــه وفالــــــه

وأنت ياللي حرمت العين من شــوفة الخـــل
وشوفة أخوانه السته وعمّه وخـالـــــــــه

بطلب الله بجاهه والكتـــــاب المنــــــزّل
يحرمك شوفة الجنّـــــــه وخير الســــلاله

وانا حبيبي إذا جاني فرشـــت الثــــراء زل
وعتم عهـــــد المحبّـــه باحفـــن له زلاله

عاد قلبي مولّـــــع من محبــــته مامـــل
هو ضياء القلب والخاطـــر وهو رأس مــــاله

ذا كلامي وظنّي فيه لآخـــــــر ولـــــوّل
ماتغيّر خفوقــــي لو جــــرى ماجرالـــه

عش عاشق ومخلص له وخاضـــــع ومحتــــل
وموت عاشق وله مخلـــص وتحــــت احتلاله