[الهاشمي - السيباني]

((( عاشق ,,,, مضيع وطن )))







يقلم حسين الشاطري

يا دروب الشرق
ضمي خطوة الغالي بشوق
وبلغيـــه إني بدونه ,, كنــّي ( مضيــــع وطـــــن )

وبلغيه إن إبتعاده
يبس بقلبي عروق
من هجرها لي سقاها ,,, حب وإحساس وشجن!!

وعلميه إنه ( وحشني )
ويا عسى دربه وفوق
وبلغيــه إني أشوف البيض من دونـه ,,, قضن!!!

وفهميه إني أحبه
وحدثيه بكل ذوق
ولا تبسم بينـــي لــه ,,,, شوقي الي لـــــه رسن

وأسردي له في عجالة
حالتي عله يفوق
من عنــــاده وإبتعـــاده ,,, الي أرهقنـــي زمن,,!!

قولي إني لا ذكرته
إرتبك نبض الخفوق
وضاق بي صدري وحرفي ,,, من متاهاته وهن,,!!

وقولي إني ما نسيته
وكل ما شفت الشروق
من بعد ليل(ن) حبـــالة ,,,, ترحل بطعم الوسن,,!!

ليل طامي ليل جافي
ليل لو يدري سروق
ليـــل ما رقت فصوله ,,,, ليل كنــّه لي كفـــن,,!!

ليل من دونه حبيبي
فيه أنا حاير زهوق
كيف لو ثـــــار بسكونـــه ,,, من غيابه وأمتحن,,!!

وقمت أحس إنه نديم(ن)
باقني بالسهد بوق
لين ما جفت عروقي ,,, والعظم فينـــي إنطحــن,,!!

ورحت أناجي طيفه الي
شعل بقلبي حروق
ما أنطفت ,,,, من يوم غادر راعي الوجه الوحسن

وإن شعرتي بإهتمامه
أو بداء يسمع بذوق
غنــي أبيات(ن) نظمها عاشقه ,,,, يمكن يحن,,,!!

وإن تمنع أو تغلى
أوقفي عله يروق
تدري إن رضـــاه عندي شي ,,,, ما سامـــــه ثمن

وإني مقدر ظررفه
وإني الخل الشفوق
وإني لحضرة جنابه عاشق(ن) ,,, رغم المحن

وإن له عهد(ن) حفظته
وإن له جملة حقوق
وإن قلبي ما تبعني ,,, ويوم قسيته جبن ,,!!!

وودعيه إن ما رثى لي
بالأدب وبكل ذوق
وإن قدرتي بس ( بوسه ) ,,, وإطبعيها عالوجن

لجل ما يفهم مكانه
وإن قسى أو صد فوق
باقي(ن) حبه بقلبي ويكفـــي إنه لي ,,,, وطن,,!!!

مع عظيم الحب والتقدير للجميع