[ابوفضل سالم]

اقتباس : المشاركة الأصلية كتبت بواسطة الواقعي [ مشاهدة المشاركة ]

اخواني هذه المحاوره جرت بيني وبين الشاعر (طويل بن عامر) وصراحه فأجاني الشاعر بهذه القصيده وكنّا منقطعين عن بعض بسبب سفره ثم عودته دو ان اعرف بوجوده وكان محور القصائد موضوعين احداها خاص والثاني عام . اليكم بدع الشاعر طويل بن عامر هاجسي لا بدع/يربط ويوزن ويبدع=مايقصر بشي يحضر على كل داعي يامحب الولع شفني بشعري مولع=والهواجس وسط راسي كما البرق لاعي رملها والودع لاقلت بكره مودع=تبكي الكسر والصحراء لساعة وداعي يالمقرم سمع أن عاد لك اذن تسمع=لن صوتي وصل وانتم رفضتوا سماعي لاتزيد الوجع ياخوي شفني توجع=من فراق المحب شهرين زادت وجاعي حبهم انطبع فالقلب والشوق يطبع=في خيالي صور ايضا وغير طباعي صابني بالطمع كل يوم في حاجه اطمع=لين صارت طموحاتي تخالف طماعي قال غيري دفع كل من يبا الزين يدفع=والخلل في هجوم المنتخب مع دفاعي قد وقع لي وقع واليوم شفني توقع=مابغيت السماء ملكي ولا القاع قاعي خطكم مانفع لي كنت حاسبه ينفع=ضاع بين الحناش العور هي والافاعي والملف ارتفع عند الادارات يرفع=بعدها ضاع بين المخشني مع رفاعي ياجلال القشع الصبح لليل يقشع=وانت عزوه لمثلي ياجليل القشاعي غيركم ماقطع ياللي على الفصل تقطع=لاشيوعي ولا حزبي ولنته قطاعي فصل كل من خدع خلوه لاقال بخدع=لايحاول ثنا عزمي وقصده خداعي صوت ثاير صدع فالبر والبحر يصدع=شل همي وضيق الصدر وانهى صداعي بعده البدر شع نوره على الكون شعشع=شوف خير الوطن في نورها والشعاعي ولي تغطرس هنع شلوه ع الكتف يهنع=خلف الحزن في قصره وستين ناعي مستحيل ان رجع لا سدة الحكم يرجع=لن رجاعه ينافي فالحقيقه رجاعي قد غلط لي روع واللي موكله يروع=فالهوى ضاع والصحبه وعشق الرواعي ايش قلي صنع شربه وقوته مصنع=فوق ذلك فعاله والكلام اسطناعي حق وسع حق وسع بالمال حاله موسع=يفعل السو ويضنوه للخير ساعي مابغيته يضع رجله ولاباه يوضع=له في ارضي مناصر غايته في ضياعي وختمها ماقنع قلبي ولاظن يقنع=عن هوى من يحب لاحد يحاول قناعي وهذا ردي المعذره عزيزي (أبو سالم) لقد تفاديت استخدام ضمير المتكلّم لكوني اردّ عل قصيدتك واسمح لي بأ لأيجاز وخير الكلام ما قلّ ودل . بن طويل اندفع*يشبه لمقذوف مدفع=ليث ضرغام له سطوه نهار اندفاعه صاب كمّن نصع*قانص بميزر تنصّع=حط وعلين من مخباط واسقط نصاعه نجم نوره سطع*في مجلس الشعر يسطع=له على القاف قدره والفصول استطاعه يشتكي من شنع*لي فوق قمران يشنع=يوم غفلت جبال الكسر عن كل شناعه ما كوَوْ عا ألضلع*خلّوه يعرج ويضلع=واعتنوا فيه دام الشحم كاسي ضلاعه سيل شُحره نسّع*ما يوصل الحزر ينسع=لا تساهنه يتدفّق ثلاثين ساعه في زمان البرع *كل من معه عود يبرع=وأن معه مال قالو ا الناس وش ذا ألبراعه وأن بغيت الكرَع*بسقيك منّه وبكرع=الف حيّا وعجز الآدمي من كراعه بزّ غالي ذرعْ*ماباك من طان تذرع=تلحقه متر ماهو شبر يرجع ذراعه والذي ماخشع* ولا معه قلب يخشع=قد دبستوا عسل جبحه وشفتوا خشاعه قد رحل وانقلع*لكن غرس مية مقّلع=كلها شوك فوق اسوار تحمي قلاعه صاحبه له شفع*والعيف للعيف يشفع=تقبل ام الكبائر من ولدها الشفاعه وأن خرق جأ رقع*كلّه كفرهم مرقّع=لكن البنشري له يوم تفسد رقاعه شيخهم لمتنع*والأ عليهم تمنّع=با يجيهم وباء الجدري ونقص المناعه شعبنا قد شرع*ربّط حموله وشرّع=وانطلق فُلْـك وسط البحر عالي شراعه ربنا قد جمع*شباب واعي تجمّع=ليد بألايد وأيد الله بأيد الجماعه

بدع وجواب من شعراء مجيدين بارعين انغمسوا في تجاربهم الشخصية
لاتعليق عندما يأتي الجنا من مجناه والياقوت والمرجان من بحره
انهاء بحق كلمات رائعة جميله ومميزه .. امتعت المنتدى بهذا الاسلوب الراقي
والمنازله قوية وقد استطاع الواقعي ان يرد على كل جوانب ماقام بالاشارة اليه طويل بن عامر
اخي الواقعي يظهر انك تجيد المنازلات الشعريه فاستسمحك في المجاراة وقدر الله بانتعصر لك وبا نتجهز للهجوم
لانك وبصراحة امتعتنا في الردود الاكثر من رائعه
تقبل تحياتي
ابو فضل سالم