يقول الاستاذ ابو محمد الشحري ( اطلقوا الايام )
( ونــــقـــــول )
لن يطلقوا الايام وغلال الصحافه في القيود = مادامهم رتع بها لن يطلقون قيودها
لن تنطلق لايام حتى يعود برميل الحدود = وكل اّمه تلتزم في ارضها وحدودها
خلاص فاض الكيل من ذيهم ينقضون العهود = ملكي وجمهوري اذا عاهد نبذ بعهودها
لاكيل له وافي ولا ميزان له قيم العمود = ترقل كففهم من مظالمهم هتز اعمودها
برحوا كما الجند الحبيشي سيل جردوا كل عود = والظلم ماهو زين لاقد زاد يكسر عودها
هاهو غدى مكسور راحوا نطش والفتنه تسود = قتمه على ازال حطت والصراع يسودها
ماباك في داري وناري يابن عامر بن عبود = هذا كتاب الله وايات القوي معبودها
واهل المظالم من كتاب الله ورسوله شرود = ومخابي القدره عظيمه باترد شرودها
وقع لنا كلتك توكلتك سرح لك باالبرود = هذا جزاء من لايحسب حرها وبرودها
ضوى لنا من حجر حجريه لنا سيد عتود = وقفى ونحنا نلقط الغاسي بنخل عتودها
الظاهر ان ربك عمى مبصره قمروه الزيود = وحس بها في ليلة الدخله وعاف زيودها
او شارد الهلكه ضوى في الموت لابطن اللحود = او كيف جاء جعجع الى السلطه وبت لا حودها
وان قلت هب ياقرد مني جات من بعده قرود = كل قرد خس من خوه كل قاره تزك بقرودها
وحده يرافقها تساوي والعداله في البنود = نحنا معاها يشهد الله مانصوع بنودها
وان كانها وحده ومطمع لااهل تجار النقود = بعداّ لها لاخير في تجارها ونقودها
ياسدة الشحر الزبينه اين ابرام العقود = ذي مزقت باالبرتغال الامس وين عقودها
عهد انقضى باهله وهب اوعاد للميزر ردود = ردوا عليه شور ومهاداه في مردودها
جب في صراحه واعطني تفسير من حكمه تذود = حيث البقاع الحضرميه صمت بات يذودها
بات المشط في راسها منشوب وعقدها تنود = كلين يشخم زاد عاكيها تقلب نودها
نحنا جهات مسالمه نشكي الى الرب الودود=قتل النفس والجرم حرمه الرفيع ودودها
وان قبولتهم زهق للانفس وتيتيم الولود = فنحن قوماّ نختلف ونروف عامولودها
ونخاف مانخطي حدود الله خلاق الوجود = كل قوم شهرتها بحكمتها وكثرت جودها
خايل مناشي تعتبي عاالارض وجلابيب سود = عسى برحمة خير لا سقيا غضب عاسدودها
يابومحمد مالنا قدره بنطاح الحيود = الشمس قد شرقت وقد غابت بروس حيودها
اسجد لربك واقترب واكثر صلاتك والسجود = واسئله مخرج زين نافع ذي يدير وجودها
عيد سعيد وكل عام وانتم بخير كتبت بعجل اي غلطه فهي مننا وليس من القائل والعفو
[/QUOTE][/QUOTE]
( يقول الخليفي الهلالي )
يا باقديم اليوم باظت وأفرخت = جابت طيور السعد خمسه واربعين
وعادها باتجيب خمسة وعشره= ذي دربوهم عـــ المدافع والمكين
لم نشاهد ابيات شاعرنا الخليفي الا اليوم الساعه واحده ظهرا حيث النت مقطوع من البارحه لخلل فني كتبناها بعجل والعفو والمعذره
( ويقول باقديم )
باضت وفرخت ياالخليفي وانجبت = والعالم الله كيف ( بر ) الحاسرين
يابرهم عاالسعد وكلامك ثبت = ياجات نبرتهم مثيل الاولين
ان قلت لك شف ذاكرتك تسرعت = حولت قبل السيل يطفح عاالصفين
وان قلت باخالف فكار اتوجهت = عند ذا وذا باكون رهن الناقدين
وان قلت لك ذري الخباثه لا نبت = منه خباثه والعمل بااهله يخين
حكمته في خلقه وقدرته اعتلت = له مايشاء في الخلق رب العالمين
لاغير عاما قلت به اذني صغت = ومعاك من امين لما الضالين
جابت طيور السعد باضت وانجبت = فالك وحسن الفال نهج الصالحين
فالك وفالي والنفوس استبشرت = واحنا في الذكر الحسن مستبشرين
سئلوا النبي ذيهوا به الغمه انجلت = ماالفال يعني ياامام المرسلين
فقال كلمه طيبه منكم فشت = افشوا بخيرآ ياغدوها صامتين
حيث الامم من آلسنتها كب كبت = في ويل وجهنم عسى عفو المعين
وحنا بشر ولسان زلت وازلفت = والقلب والنيه كتاب المؤمنين
نقراء ونتطلع فكار اتوجت = وبحوث وثقافة علوم الدارسين
كلين من علمه قلامه زغرت = في داخل الصفحه امام القاريين
اقلام شي صابت وشي منها خطت = والشمع في قرص العسل ماهو مشين
وحوار هادف بينهم خذها وهت = لاتكالبن يبركن سيب الموشرين
دنيا بغت والاخره منك بغت = وعسى عمل صالح رفيق الصالحين
والثانيه منك تعالت وارتمت = في الخمس طعشر سر معناها دفين
فرحه وكرهه باالمعاني فصلت = فيها من الدقه غوامض ماتبين
في منعطف سويت لي مثني وبت = ماني معك لو باتفر الزاهرين
قل خمس طعشر من صلايبهم نقت = اوخمس طعشر الف وميه واربعين
حفاظة القران للحق اهتدت = ولسنة الهادي وآثره سايرين
هذا السلاح الزين والامه نجت = لاتمسكت في حبل رب العالمين
مدفعي والتدريب في تقوى نشت = وتزينت في دينها ياخير دين
يامزين الايمان واليك المبت = زينه في قلبي وقلب الاخرين
والنفس تلهج باالدعاء وتضرعت = وانتم دعوا بصلاح للناس اجمعين
وفي الدعاء زانت امورك واصلحت = تغنم وتسلم من شرور المؤذيين
وخلاف هذا بايروح الركب شت = لا مان للمركب ولا للراكبين
حبل القوي من كل امه لافلت = اذاقهم باالباس والحال المشين
والعفو من زلات فيها صدرت = الفتها معجول والعجله تخين
ردوا علي يوم السطور اتوضحت=قولوا سوى ولا غوى ياعارفين
وازكى تحيه للهلالي ابرمت = بسطورها للسبع مفتول العظين
اعذرونا من الضمات والكسرات مانعرف لها
[/QUOTE][/QUOTE]