للجميع مني خالص التقدير والاحترام..
ونعتذر اذا طال غيابنا عنكم..وذلك لضروف خارجه عن الاراده..
اخوكم/خالد بن قاسم
يقول بن قاسم الشاعر قفل كل باب=بطلت ف الحب بعد اليوم قفلت بابه
مابغى محبين ف الدنياء ولا ابغى صحاب=ولعاد بالوم من بطّل وخلا صحابه
حتى ونا لي محب مطروح ضمن الحساب=ماعاد باحاسبه ولعاد بحسب حسابه
جرعني المر واسقاني بكاس العذاب=من حب هذا الزمن ياحسرته يا عذابه
يسقونه المر حالي ما ألذا وطاب=ويستغلون مصداقيّته والطيابه
والان بعد التقدم بعلن الانسحاب=قلبي تقنع وحدد موفقه وانسحابه
يكفي من الحب زيّد ف الجروح التهاب=حرّق فؤادي وضاعف لوعته والتهابه
(خلاص) لوباترجعي جويهل شباب=في حبك القاسمي ضحّى بزهرة شبابه
دوّر لنفسك محب ينفح بعطر الرحاب=خلك تمتع وتستنشق بريحت رحابه
وانا علي بحضر الزفه وكتب الكتاب=وبحضر الدفع والدخله وكتبت كتابه
ولاتضحي بنفسك في مهب السحاب=واعتبر حبنا عبرت عليه السحابه
وخلني موت وانته داعيك مستجاب=واعتبر دعوتي لك مخلصه مستجابه
ولعاد تسئل ولاحتى ترد الجواب= سؤال مرفوض قلي ممتنع عن جوابه
كملي مخبي جروح القلب تحت الحجاب=وفاق صبري وقلبي قد تقطع حجابه
ونته تمثل محبه كذب مثل السراب=وبقيت عطشان فوق الماء مصدق سرابه
مخطي وغلطان يرمي بالخطاء ع الصواب=ويقول اني انا المخطي وهو في صوابه
وان جيت باصالحه وانه يزيد الخراب=ولعاد يعرف صلاحه صاحبي من خرابه
لاقد المحبه كذا تهديد والانقلاب=مضمون خلي ينفذ خطته وانقلابه
قدخيرلي عيش تحت الارض تحت التراب= والعيش والملح خلي يدفنه في ترابه
قدكان يسئل ويطلبني ازوره طلاب=ولاتقدم طلب منه البي طلابه
ولاسمع ذبذبت صوتي نهض واستجاب=واليوم لاجيت قال الشخص ذا ايش جابه
اهل الزمن يعشقون اهل البقش والرباب=وانا اعشق العود وارحم عازفين الربابه
حيا زمن له عوى قلبي عوي الذياب=وحنت العيس من فعل النمر والذيابه
اتذكره كل ماتشيك باجمل ثياب=ومن عرف ذي حصل لي بايقطع ثيابه
فرحه ولكن طارت في جناح الغراب=وتبدل الابيض اسود من جناح الغرابه
وف النهايه نقول استمتعوا بالشباب=من قبل ماتدخلوا سن العجز والشيابه