[الدمعه الحزينه]

جتني الطعنآت من كل الجهات

إن شكيت ألحزن في عيني تشوف
أكثر اهمومي بقلبي سآكنات




داخلي نارٍ تهاوى وسط جوف
ألبخت في دنيتي ما قام مآت



آآآه يا دنـيـا عـليَّه ما تــروف
إن نويت افرح تخليني شتآت




كل أيامي شكت جور الظروف
واغلب ألأحلام صارت ضايعآت



عايشه ما بين ياس وبين خوف
أبكي احوالي واعيد ألذكريآت



رحـلة ألأيام هدت كل طـوف
ناحلٍ عودي من اوجاع الحيآة



أخذ احزآني على راحة كفوف
وابتسم للحزن من جمر الشفآة



اعتزلت النآس وحدي في عزوف
خايفه وادموع عيني فاضحآت



صرت من أهل الصوامع والكهوف
أنتظر رحلات عمر امغادرآت



وآآآآه من نفسٍ شقاها بي يطوف
والفراق أرسل سهومٍ قاتلآت



كل ما قلت الفرج جا للهنوف
جتني الطعنآت من كل الجهات



واغلب الطعنات من تحت الكتوف
من حبيب ومن قريب ومن هوآة



يالله استرني قبل يوم ألحتوف
واجعل الفردوس لعيوني مبآت
م ن نحياتي الدمعه الحزينه