[الجويد حسن باقديم]

اقتباس : المشاركة الأصلية كتبت بواسطة الجويد حسن باقديم [ مشاهدة المشاركة ]

بسم الله الرحمن الرحيم هذه القصيده قديمه للوالد حسن محمد باقديم مهداه للشيخ مبخوت بن مبارك بن ماضي ( قرية المبارك ) ماانته على عادتك ياحال المبارك والحصون = ذي صيتها شرق وغرب عند حمران العيون= غبيت من لقياك يامبخوت وخذتني الشطون = وظنون دهمتني ومنك ماسهن هذا سهون= لامانظرتك حن صوتك في سلوك التلفون= ناءمنكم ننشد وغابطكم عليه تنشدون = ان جات قصره لاتواخذ عاجليلين القرون= ولا تخذها حق عمد اوقصد قدرك مايهون= وحنا شهدنا لك بكل طيب ولاباتنتسون= من خاطر الجاويد ذي حلوا بدوعن والعيون= عدك جبل خلفي الى هشت سحايب باالمزون= كنيت راسي فيك يامبخوت وحسبتك زبون= رجال متواضع وعاقل والعرب يتواصفون = في بن مبارك ذي حديثه مسك وكلامه دخون= ان في المجالس نفع فاان مجلسك خيرت مايكون= وان صالح مبارك وعبدالله وسالم والبنون = ان قبضوك الركب تستاهل وهم يستاهلون = سرح بركب الخير ياالقائد وربك بايصون= والله يرحم ناس باتعبر محل مايعبرون = سلام عاقلعه في الشده بها يتحصنون = لاتحصن المخلوق جاه النصر منها والسكون= قلعه بناها ولد بن ثابت وشيد في الركون= هابه وجابه حطها روس الشوابي والدجون= ما يشوبها شايب ووادي عمد واهله يشهدون= مرعي زميم الصائته فيه العرب يتواصفون = ليلة ضووه القوم والقارى قراء عما ونون= وقال لواّتليت سورة ماعبد ماتعبدون = ان كان ياالقارى وضعت الضرب مابين العيون= ذه جهدمه وافعال من مرعي تقشب باالدهون = والمستمع لاسمعه يفخر به وهو تحت الدفون = قروا له التعظيم والجنه حلاله والسكون = حكيت نور الله مابي شي شطن ولا وحون = من ينكر الواقع وكذب نهج حمران العيون= ثعلب وجده كان ثعلب مختبي بين البيون= وهذه القصيده للوالد حسن محمد باقديم القاها في زواج ثابت عمر خميس بن ماضي وبوصول الشاعر ثابت عوض بن ماضي غن يامغني ومني باتجيك الفصول = تشريف للناس ذيهم في المبارك حلول= ذي كملوا بارك الله ذريهم والسبول = او كل عمل يخرج الثمرات مافيه تول= مابايتوله متعدي يهش عاالرجول = وضويت للقدر عاني من بعيد النهول = مغلا المحله وساكنها مقامه يجول = خيم على الارض والوديان عرضاّ وطول= دار الكرم والكرم منه النعم ماتزول = تبعة براهيم وصفات النبي والرسول= تفتح بواب السبل لاتقفلت باالقفول = ومواهب الله في خلقه جواهر ولول= يانوم فر من حداق العين مالك قبول = والقلب ميال لا زين الخصل والدلول = عصر الفضاء والصناعه وانفتاح العقول= حياء بدحق المسافر ترحبه باالوصول = فرحة به مثل مافرح باالمطر والسيول = فرحة مدور على الدهمان بطن الجزول = لاشرف على دجن وظفر باالخنب والوعول = والغيث مدهال وبغيت المسافر دهول = لايغب موطنه وفراق السفر مايطول = غربه تخذ والمسافر في العناء والكلول= من هام فكره في الغربه وعاف النزول = فكره يخونه كما البهره تخون الجلول = تكلموا من معه شي قول يهرج يقول = شوني معي هجس متكسل ودوبه كسول= ياحب منصوح كيالك كثير الشغول = اي غلطه كتابيه فهي مني وليس من القائل الجلول هي الجمال .... والبهره بمعنى البهار وهذه بعض ابيات احفظها للوالد وكان يغني باغازي يقول صواتك والمغاني قل لباغازي = رماني في رفح والقدس وبغزه وفي بغداد والعين العزيزيه = وفي البترول ذيهوا ينتهب والغاز نعاني من سياسه نهجها نازي = بناها بعد هتلر بوش في قرزه وتدعمه الحكومه الانجليزيه = وحيفا قبلة اسرائيل مهبط فاز صليب الكفر دمر حيدنا الرازي = وعاشعوب الجزيره دور الخرزه وشن حمله على الاسلام نازيه = غزى دجله وعد عينه على شيراز وعاصوت اخر يقول من ضمن ابيات كثيره يهز من شارع الستين بحري يفرح السالي = وقلب المهتجس بحباط دوعن لا بغا فوه ولاالستين خلوا عقالها تحت المقابر غابوا رجالي = من القرضه عدمته النار شوني بعدهم لفلف سمر وضبين سلفها في الثرى واّتا خلف منهجه بطالي = يقودون المنيبه للخطر ويرجموها باالحصى والطين عاصوت اخر يقول من ضمن ابيات كثيره تعبني حيد عجزر مااعتبر لي باالسهل كثرت شناخيره = وحظك لابرك ضواك من شنخور لاشنخور وفي مايو دخلنا عام تسعه واربعه من صور لاصيره = وتركنا مقاطين السمر والراك والخنور ويقول باغزال جابوا لنا ميزان بواربع كفف = ياباقديم منين جات الكفتين جواب حسن باقديم الكذب في الدنيا ثقل والصدق خف = وين الذيهم بايسدون الثنين

.. .. ..