[بولوجين]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

ردّي على الشاعر الكبير حسن باقديم إرحب بها أبيات موزونه كما السّكّر نبات=وإن قلت مهي ألاّ بغيّه في قروف إمختّمات من بو الجويّد ساقها عاني قدانا مرسلات=شاعر يصوغ القاف ... لا أسعف له يجيبه في ثبات يوزن كلامه مثل وزن التّبْر هو والفِضّيات=تدقيق بالقفله وبالملّي مقايس ... مهو شات كل بيت يستاهل يثمّن بالجياد الصّافنات=وألاّ يترجم ترجمه حيّه إلى كل اللغات كل بيت له نغمه تزرّي بالوتار إمخاويات=ويرن عينة ما ترن إفرانَصَه أو رُبّيات نسّم لي الخاطر وبيّن لي الأمور المعضلات=ودّيت لو ردّد بيوته ذيك في كل الوقات عنده حليله تنطلق بين الحيود الشامخات=ماشي يقيّدها من إقيود المذلّه بالشّتات ماشي إقامه أو كفاله والحوال المتعبات=وألفين حاجه ذي تعكنن عا البشر وإمضايقات وألوان حمراء بعد صفراء كلّها إمنِكّدات=ومهنتك (( كولي )) ولو دارس بأرقى الجامعات معذور شفني قل لبو سالم إذا كرهت الحياة=ولعاد حب فوّه ولا حب السّكن بالحرشِيَات كل بوهن ألاّ في الهوى عينه ولا فيهن ثقات=حمران لُعْيُن ذي يعافون الزلل والمخطيات وكيف عاد الهجس با يعرف طريقه والجهات=لو كان ردّيت التحيّه ... عِدْ ردودي معجزات ممذ وه طول الوقت شغلوني العرب بالتُّرّهات=والناس قد وصلوا القمر وإحنا على شمّه وقات ماشي نوايا مخلصه عند العرب ... شفهم طغاة=وقلوبهم سوداء ... كذب من قال عنهن ناصعات ما يعرفون إن الحياه ألاّ ممر قبل الممات=والدار لخرى هي مقر ... والباقيات الصالحات ما حد في الدّنيا مخلّد لو سنينه بالميات=وِعْصاة بن داوود مأكوله وخرّبْها الحوات خل من يسيئ الفعل يلقي ما بغى ... خلّه يبات=ظالم ... وبت مظلوم ... عا يجي له غدن موت السّكات والعفو ألا يا الخامعي من ناقصات أو زايدات=والشعر عدني ما أجدته ... عِدّني أحْد الرّواة وصلاة ربي عدّما طلعت نجوم(ن) زاهرات=عا المصطفى المبعوث من عدنان ... سيد الكائنات بدع باقديم كان:

الشكر للشاعر القدير الاخ محمد بن مخاشن على المجاراه والجواب الشافي لباقديم اعجابي باالبدع والجواب