[الجويد حسن باقديم]

اقتباس : المشاركة الأصلية كتبت بواسطة ثابت بن ماضي [ مشاهدة المشاركة ]

هذا البدع والجواب حصل بين كل من ثابت بن عوض بن ماضي وحسن بن محمد باقديم عبر رسائل الجوال بتاريخ 25/1/2012 نرجوا ان تنال رضاكم واستحسانكم باقديم= ياخير من بلجيك وافي يوصفونه = في الوجر ياريته سلب ياريت عد مولاه راضي بايبيعه = باعد عاقصبته بالعدي كشوش بن ماضي= لوحد عطاء مولاه ياباقديم بونه = ورصف شوارعها ذهب مابايوافق وان قبل مابانطيعه = حتى بغا في القرش لوعشره قروش ياكم من الرميان ذيهم يعشقونه = كماك من اعلى النسب ومنزله وجاه ياالنشمي رفيعه = ويعشقون الزين لوهم عاالنعوش صحيح بوسته يهون الموت دونه = للي معه في الراس حب واما البنادق كثر في سوق الظليعه = شيكي وبلغاري ومن ارض الحبوش باقديم= جيتك بغيت الرفد منك والمعونه = قفلت بيبان الطلب وفتحت عن مولاه باالقيمه الفليعه = وديان يامعسر وعرها والحروش يابني هلال الكسب واحد والمدونه = والحب واحد في المسب ذي جاء يواثرني بقرشه في وضيعه = كدر محاقي مايجد فيها غشوش والطيب في قلبي سبل خصبت مزونه = يابن عوض منه شرب شفني ترزح بك وسط اودي شنيعه = عند العرب والراس من ذكرك يعوش بن ماضي= ربك يعين العبد لاحسنت ضنونه = وخصوص لاضناه التعب باينال ذي مقسوم له حسب الشريعه = وانته تفائل ياحسن خلك بشوش وعلى المعونه من دعاء ربعه يجونه = يغدون عاالداعي حطب وان ضاقت ادروبك يخلوها وسيعه = مابك سخاء تحمل نكد وحدك وشوش ولا هو حسد او بغض مني تجعلونه = النصح للصاحب وجب مولى القماش الزين ماحنب في ذريعه = وانته ستعجل في الذراعه لاتكوش باقديم= حيا بذي حبه وكمبودي دخونه = يعجبك لادخن ونب خفت ضروب الراس ذي كانت وجيعه = من عود كمبودي ينب ماله طهوش ياسوريا كل حرف له شدت سكونه = ياحسد في داخل حلب يبس مزارع مثمره كانت بديعه = صبحت خرابة هدم منكوست عروش صوت العرب في القاهره ذي تعرفونه = وانا هنا صوت العرب باهوك عاراس المراسل والمذيعه = لما ضوي باالكازمي عند القموش بن ماضي= الكازمي من سمح مايفارق حصونه = واما القميشي يغترب والمغترب محتك في سنه وشيعه = بيت الكرم دايم يرحب باالطروش وان هكت او ماهكت حامض في غصونه = بتقول عنقود العنب مايلتفي وسوار من حوله منيعه = مسكين حاله ذي يفكر بايهوش وان كل غازي ياحسن باتمدحونه = نحنا من صحاب الرتب في العبر شف جيشي مرابط والوديعه = باجي بدحنات العساكر والجيوش باقديم= ذي جاء على نيه بغاهم يخدمونه = في بومشط زين القصب قلبوا مسار الهرج ولقوا له صنيعه = وظنون شينه منها نفسه تحوش كل شعب له سكان اهله يقطنونه = والوفق وسطه والرغب وانا رغيب الحال في وادي القطيعه = مامر لي فاطر محمل باالقشوش والبيت ذي ذقت الحلاوه من صحونه = له رسم في القلب انكتب ذي اّسلمت عايد خيثم بن ربيعه = فازت بذاك القصر محكوم الخيوش بن ماضي= اضحك يلآ شفت الخوي ظهرت سنونه= واغضب يذا بان الغضب واحترت ياباقديم من هذه الخديعه = ماطر يصب عاالراس رديته طشوش باقديم= خاطري لك كيلوا مربع يرصفونه = ( ميدان ) ياالفارس لعب وعلى جسور الوهم لاتقتل رضيعه = وتصيب طير السعد لامد الريوش

من اجمل المحاورات سماكه ومعنى وجزاله بين كلن من الشاعر علي بن ماضي ابواصيل والشاعر حسن باقديم بدع وجواب عبر رسائل الهاتف في تاريخ 28/12/ 2012

البدع حسن باقديم=

دخلنا عاصمة منبي وحيدر في نهاية شهر فبراير =
وسيطرنا على مرزا بحكمه فايقه وافكار =
أمارة حكم قمناها ومكتب للمشير الناهي اّلآامر =
وعا قصر العلم عسكر وشوكيه تسوق النار=

بن ماضي=

اذا قد جيت محتل خذ نصيحه جر نفسك وانسحب غادر =
وانا باساعدك باقول ماله قصد غزوا الدار=
وذا لا جاء زياره عابره دار الكرم ذي تكرم الزاير =
بغا بيشوف بعيونه معالم شامخه واثار =

باقديم=

لفاروق الامم بسمه ودمعه ساورت حاجبه والناظر =
وانا دمعتي والبسمه تساورها صدف واقدار=
الى عادت براميل الشريجه حسب كانت وانقطع صافر =
لنا في مجلس الامه معا حزب التجمع شار=

بن ماضي=

معمر راح بااسباب التعنت والقور من بعد ماخاطر=
بااهله والولد ماحسب حساب الجيش والثوار=
وانا شوف العند هي والبريقه باتعود حرب يناير =
هناك المعركه بتكون بايقع من سقط لاثار=

باقديم=

مخابي الغيب والقدره عين واشكال للطيب وللفاجر =
صرب كل ماذريته يابن ادم في وطاء واعسار =
وكل وقتاً وله دوله وكل خشبه لها نجار ومناجر =
وكل من قد بيده عود يرشخ للبعير الضار =

بن ماضي=

انا ناديت باالوحده وعدني خيب في باطني والظاهر =
ومتعصب لتوحيد اليمن ولباقي الاقطار=
وفكري يعربي وليش لا قد كنت باتمدح وبافاخر =
بتوحيد اليمن يابوحمد لوانت ريس بار=

باقديم=

قفول النصر بيده كلها لوطالت المده على الصابر=
قريبه عند رب الكون خالق ليلها ونهار =
من المولى عسى حسن المخابي ذي تفك منصور من ناصر=
وغاوي الشرح في عوزه لمولى الطبل والمزمار=

بن ماضي=

مع الرغبات ومطالب كثير الناس ماباغيير الحاضر =
ولا باكمم الافواه لن كل شخص له اسرار =
ولاكن الوطن من سمح خط احمر على الغادر وعاالماكر=
حلم بشويش واجعل للحلم معنى وله فسار=

باقديم=

انا قد نمت جم وحلمت حلمي سرمدي ماقدرت به خابر =
بما تكرهه لاتخابر وهذه سنة المختار =
ولاتغرك فواه الناس والرغبات خل تسعه وشل عاشر =
ولقمه ترقع الفاقه خير من تسع في التنار=

بن ماضي=

اذا هبت نسانيس الزيب عاالبحر والبحار باالباكر =
تفائل وانبسط ظهر السفينه ذالك البحار =
اباك تحدد امواقفك انته مع كرب ولا معا الصاعر =
وتختار الجهه ذي باتقع فيها مع السمار=

باقديم=

انا موقفي مع من طبق القران وقبض سنة الطاهر =
وقام العدل مافضل عمر وعماد عاعمار =
قبض عاالخمس والعروه تحصل خير جم لا دلهم الماطر =
ومن زل الطرق خله يمطر في السماء مطار=

بن ماضي=

على ساكن حلب وريف حمص الدمع وسط العين يتكاثر =
وحزن الناس في الغوطه تعدى الحد والمقتار=
طريق السلطنه مخرج لكل منبوذ من شعبه وكل غادر =
صدق قول المثل تبقى طريق الكلب عاالجزار=

باقديم=

قلاع الشام تتكسر من البهتان بين الحين والاخر =
وعين الغرب حمراء عاسقوط ابن الاسد بشار =
ضوت به حيث ماضوت علي سالم حكام الواحد القادر =
لباب السلطنه واستعبروا يااولياء الابصار=

بن ماضي=

معك لو راحة النجمه وراحوا اهلها بنعود نتساير =
ولا بايضيع حق مادام باقي العزم والاصرار =
وانك تركب الموجات والاهات في صاعد وفي حادر =
تقبض باالمهب خل المهب تحماك من لعصار=

باقديم=

علي لامابغاني في اللعب باقوم باتولم وباسافر =
بغاني للهزيمه دائما مغلوب بااستمرار=
اذا الراي اختلف والشور كلن من طرف ينتع ونتناحر =
بهذا الوضع مابن خلص الخشبه من المسمار=

بن ماضي=

طريقه للعب احيان بتمرر وبعض احيان بتحاور=
ومن راد الهدف يلعب بهمه ليس بااستهتار=
انا قد قلت لك خلك معي بلقيك داخل قصري العامر =
بشرط انك تحافظ يارفيقي عاحقوق الجار=

باقديم=

وصية سيد الكونين حافظها وممزوجه في الخاطر =
وحق الجار قبل الدار له مخرج بتي ومسار=
سمعتك ياالذي عاالفصل تقطع جزل ياحياك من شاعر =
كلامك وقر في صم الحجر ياشاعر الشعار =