[عاشقه]

اشفيها السقيفه صارت بايخه اكثر من اول كنت احس برغبه بوضع الخواطر وفي شئ يجذبني للكتابه دحين خلاص شئ يسد النفس بصراحه
كثير معارف طلبت منهم يسجلوا بالسقيفه بس للاسف شافوا شئ ما يعجب احد عشان كده بطلوا وانا لسه بحاول اتمسك بشئ حلو فيها
حتى الزين وباعباد وخذني معاك اساتذه كبار يشجعوني بردودهم غابو وصارت السقيفه بارده لا حنيه فيها ولا رحمه حرام عليكم وربي اللي سويتوه فيها
علي فكره هذا راي كثير غيري بس الناس مابيحبوا يتكلموا لانو خلاص خلص الكلام والسقيفه تي تي تي تي زي مارحتي زي ماجيتي

انا كمان رايحه اتوقف غصبن عني وربي لانو الواحد اذا حس انو بيكتب لنفسوا بس راح يذبل ويموت عمركم شفتوا ورده تعيش بدون هواء ومويه وتربه نظيفه وشمس منوره
كله راح لا جو مناسب ولا ضوء شمس ولا هواء نظيف ولاتربه مناسبه
خربت السقيفه ويمكن عنجد هيا طفله ماتت يوم كملت 10 سنوات وخلت اهلها ميتين حزن عليها
باي با يسقيفه