[خالد بن قاسم]

بدع وجواب بين الشاعر مبارك القحص بادخن والشاعر خالد بن قاسم
الـــــــــــقـــــــــــحـــــــــــص
يالله يـارب شفنـا بـا توكـل علـيـك
انته مليكي وانا عبـدك ورزقـي عليـك
وكل ما صابني بصبـر وبشكـي عليـك
ياصاححذرك من الشيطان يلعـب عليـك
والايـغـرك ولاغــرك تمردعـلـيـك
يضحك بعقلك وخلق الله تضحـك عليـك
يا الادمي قع حسب ذي لك وذيهو عليـك
وبرذمتـك ماحـد بـا يحاسـب عليـك
ذافصل يالهاجس اليلـه سمرنـا عليـك
البن والهيـل عنـدي والقرنفـل عليـك
وبعد مانتجح القهـوه معدشـي عليـك
ياشعب يالله عسى ماطر يـروح عليـك
قلبي يحبك ودمع العيـن يـذرف عليـك
ذكرك في القلب واحفظ ذكرياتـي عليـك
ولاتفشـي اسرارنـا الله يرضـا عليـك
ياسيدي يامحمـد الـف صلـي عليـك
بخيل ذيمـا يصلـي يـا محمـد عليـك

خــــالـــــد بــــــــــن قـــــاســـــم
يالقحص لاجيت باتخبر وبانشـد عليـك
قالولي النـاس خلـه لاختفـا ماعليـك
وقلـت والله قلبـي مـا تخـلا علـيـك
حبك وعزك وقصدي بـا تطمـن عليـك
والثانيه في بيوتك جبـت ذيهـو عليـك
وان علي باحكم القافـي وعقـب عليـك
باجيب بيتين لاهي لـك ولاهـي عليـك
مخصوص لشعب ذي له فضل واجد عليك
ذي نشرتك فيه لاسرحت بتضوي عليـك
وان مالفيه المطر اكبـر مشقـه عليـك
والختم سلم على اصحابك وسلم عليـك
ويا خاتم الامبيا الفـي صلاتـي عليـك