بين الزيانه والشيانه فرق جم ماله حدود=والله يهدي ناس زلت نهجها وحدودها
قرص البغيه يرتغب والشخص ذي هرجه يقود=يبلغ مقاصيده واّمه من وراه يقودها
ياقائد الشرطه وجيش الباديه ماني حسود=ومولى الكزابه ماسلم من ( غل لها وحسودها
الظاهر اني بترك الشوله وبحطب كل عود=برجع على الموقد وفاسي مانصل من عودها
بشرب من القربه وكاسات النصارى واليهود=يالله لها نفاخ يمحق صنعها ويهودها
وصناعة الكافر في الغابات لعبة باالاسود=كم من مغاره محزنه عانمارها واسودها
من جورها شي من ثمي يسقط وشي فوق الكبود=مثل الحزز في البطن يوجعني تحوش كبودها
ربي يمحص قبل يوم الجمع خلاق الوجود=مامعي طرب من هذه الدنيا ومن ماجودها
هذه طريق الجنه الخضراء وذه نار الوقود=الله يسلمنا لظى نيرانها ووقودها
لاشفت مغروم الدسم واللحم رويته اللحود=وقلت له تجني ثمرها لاضويت لحودها
والوعد والكلمه ثقل عند ذي يصدقون الوعود=عهني صبح منفوش مانقدر صدق بوعودها
تبراه من لبيك ردة صوت في شنف الحيود=بفحم على السبره وبقبس من صروف حيودها
حبحبي قر ياحال مرخه ريت كل ماضي يعود= من تمرها ذي ماتفطر صيم ماباعودها
راس السنق تكسير شي مفزع يقشعر باالجلود=حرج الاضاحي ذنب والداحس لعب بجلودها
عودك وطربوشك معا باقيس ضياف الوفود=والكوس في تابوت ناجه من هزيز اوفودها
ربي يمحص قبل يوم الجمع خلاق الوجود=مامعي طرب من هذه الدنيا ومن ماجودها