[عيون المكلا]

هنا من نبحث عن جديدهم بشوق .

اقتباس : المشاركة الأصلية كتبت بواسطة عمر الذيب [ مشاهدة المشاركة ]

معدشي نوم قال الذيب فر النوم من عيني=ونا ماشوف لكن حس به كل امر ما يشتاف احس بالذل هو والويل لي صاب الفلسطيني=وخلق الله تتفرج وزاد الظلم والاجحاف وظلم الاقربون الاهل يضحكني ويبكيني=لانه ظلم زايد ظلم واستهتار واستخفاف يترجم حلم والا علم منه لا تصحيني=دعيني يالحليله في منامي مثل من لا شاف عرب تذبح عرب تقتل ونحنا نشجب الصيني=ولي يلقيه بن باراك شجبه صمت واستلطاف بناتي السبع لاشلن ولا حطن مع تشيني=لحد الان في ورطه ودائم في نكد وخلاف وسبع الليل يتامر على السودان والكيني=وعا بشار ملقيله حنق والقى اليهود احلاف ونا المسكين بن عمي يحز عظمي بسكيني=ولا حد قال ذا منكر فيين العدل والانصاف فيين الجامعه وفيين مجلس الامن يحميني=واوباما فيينه لي يقولو كامل الاوصاف فيين المجلس اللي كان مابينه وما بيني=تامر ضد عباد الله في الريده وفي لنجاف تركني وانتبه للاند نوسي والفلبيني=وحارب قم واصحاب العمائم حرب استنزاف معدلي غير برهان الحبايب بايبديني=عيال البار والحامد مع المحضار والسقاف وسيف الحق ورجال القبائل لي على ديني=لهم سطوه ويد في كل شده يمنو المختاف معدلي غيرهم هذي السنه الا سلاطيني=متى ماتوحدو با يطلعون الدلو والخطاف كما قال المثل ماغير شعبي شعب يسقيني=سقيني ياشعابي من قبالي الارض لا بلحاف سقيني وادركيني قبل ماتذبل شراييني=وغيثي قلب عا شعره يشابه ما مة الكشاف

اقتباس : المشاركة الأصلية كتبت بواسطة عيون المكلا [ مشاهدة المشاركة ]

. ردي على قصيدة الشاعر الكبير عمر الذيب . الحلم وظلم الاقربون - سقيفة الشبامي تراحيبي التي كل يوم بالفرحة تسليّني = وترميني وسط دوحه ثمرها عالشجر اصناف ادور عالذي بالقلب في الازمات يفديني= أنا أم البطل والحر في حرب العدو ماخاف أنا كل القوافي الراقية دائم تغذيني = بهن حلق على ام المدن متراميه الأطراف وتسعدني إذا هزت كراسيهم وتحيّيني = إذا نالت قبول الشعب بالعزة بلااستعطاف وواصل في قراءاتي لتصقلني وتثريني = وسجلها على أوراق كراسي المهم واغلاف قوافي رائعة تنساب في مجرى معاييني = وصبت فوق من عشقوا تراث الشامخة الأحقاف كلامك ياعمر واقع وتأثيره يحز فيني = ويرغمني دخل في صومعة فيها عبث واتلاف فلسطين السليبه ذلها والهون ينسيني = قصص قد سطروها في الكرامة قبلنا الأسلاف وحس إن السبب والجرح من داخلي يدميني = واسعافي بطي ماشي من اصحاب الكروش اسعاف وسبع الليل ذي عاد الجزائر بايعاديني = بكلماته الركيكة القابعة في قاعة الاسفاف وماباقي العرب حكامهم لاتقول تعنيني = مواقف مخزيه واذلال للكابوي وأستعطاف وعرج هاجسك كله وحط عاتربتي وطيني = وتترجى من الأقطاب على كل مابقي اشراف سلاطينك بعودتهم وماضيي مع سنيني = يخليني حلم بوزيرة التعليم والأوقاف مجرد حلم لاقد طار نومي مايدانيني = تركني بعد ماجوي تغير صار قاسي جاف لمثلك ياوطن مهما يكن ماشي يكفيني = سوى نرفعك فوق الرأس وايضا نحني الأكتاف

اقتباس : المشاركة الأصلية كتبت بواسطة بانصيب [ مشاهدة المشاركة ]

يكفيني اذا شطنت بالملي مقاطيني = ويدي عالمقص والعين من مرباه عالمشواف يجوا او مايجوا عندي معدشي في ميازيني = لهم مثقال ذره سارقين البنك والصراف عطيناهم فرص والتاليه بالكأس يسقيني = بيده سم قاتل بعدما ماتناول ومني لاف شذابي العاليه وحصون من قاصفه تحميني = تحمل كل شي والثوب حقي نتفه نتاف .