هذه القصيده ( قديمه ) للوالد حسن محمد سالم باقديم
يقول العسكري ملقي سلب عاالكتف بومقصين=مسيله تشبه الحنشان من صنع الطراز الزين
وقوته طرز ثاني يختلف ونمره يختلفين=يهيض في قروحه لا قرح معروف عن كلين
يطف عاخرج ستطعشر وبوسته ومسمارين=( يقحل للبرانو ) بو ثلاثه سطور والعكفين
وفوقه عسكري لافرته فرقع باالغرض نصفين=يضوي الجافله فوق الوضم والوعل بوقرنين
مهاره عسكريه ورث وعطايا رحيم العين=وعشاق القناصه والسلب والكنش بوسطرين
لهم نغشه وفن روس الخطم حيث الخنب يرعين=وحبي في ملاقي الصيد يعلم به سعيد حسين
نشوفه مثل كل من شاف صحبة سيد الثقلين=( مثار العزر كنزي ) لو عطوني قصر عاالنهرين
ولاخر عاضفاف النيل والثالث في البحرين=وفوقه شيك عابنك الجزيره سحب مليونين
تخيرت الجبل والصيد والخطمان والفرعين=وستر الحال وكنوز القناعه قط مايفنيين
وطول العمر في طاعته نعمه تعتبر كنزين=وصرم البدو ونقاب الجبل والشرب بااليدين
محاقي صنعة الرحمن منها الحفن والحفنين=يسد الجوع يشبع مثل لحم الشرك والعيدين
( كرع ) ماهي مصانع تحليه وسطول باشعفين=ونوم الجول طب والمشي طب عاالجول للرجلين
وعيده من نهار السبت والمسراح باالاثنين=صراخ الديك صبحني محمد باالقدم والعين
سرحته باالفرح والشوق للمسجد وللبردين=معا رفقتي وسعوفي وسنحي مبريين الدين
مسابتهم ملانه والنوايا عاالهدف يسعيين=وثار الوثر والصف انقسم بين الخوه نصفين
فرايص ترتعد واهل الرتب في دوس ياغبرين=وانا باالذكر وصلاة النبي جد الحسن وحسين
محوط دقم حوته يارسوم القوم لايفنين=( وثار العزر ) واشتد الوغى باالكنش بوسطرين
ومن راس الحنك بندقه حط في مقسم العينيين=وحن الهوك وطوال القصب للعسكري غنيين