[مبارك بوشندل]

اقتباس : المشاركة الأصلية كتبت بواسطة بن احمد [ مشاهدة المشاركة ]

هذه القصيده القيناها في حفل تكريم السلطان غالب بن عوض القعيطي في حفل الاستقبال الذي اقيم له من قبل ال جنيد في منزل الشيخ عبدالرحمن بن جنيد سلام وتحيه بها بتقدم=ازكى تحيه طيبه رسميه تعداد ماقد ثار غيث ودلهم=والارض منه قد مست مرويه عابيت ضيفانه لهم قد حشم=بيت الكرم والنار دايم حيه وبعد يالهاجس دخل واتكلم=قدام حبك البيت والقافيه على الضيوف اهل المعالي سلم=تحية الاسلام خير اتحيه ولاتخص حد دون حد بس عمم=كي لا نثير النعره القبليه قد جيت عالداعي ومعكم بزحم=ماهي علاقه عابره سطحيه الا مخوه ف القرابه والدم=عالمرجله والعز وصدق النيه ياهاجسي بالكيف ماهو بالكم=هات الفرايد واختر النوعيه دور على الجزله علاج وبلسم=وابق المعاني وسطها مخفيه واسري على ظهر الجواد الادهم=من دار من كيد العداء محميه واضوي الى دار الحضاره لقدم=مرماك يم احدودها القبليه دار الوفاء كمن اسد يتهرم=عاشوا بها في برد او صيفيه الروس مرفوعه ولا شي مغنم=غير الشرف والمجد والحريه عدت عليها ايام احلك واظلم =هذاك زام الزمره الشوعيه وبعدها عهد السروق الاهيم=وبسم ماسماه بالشرعيه بترولها شله وكل مايلزم=بالغصب هو والقوه الجبريه والحضرمي مسكين باقي يحلم=غرقان في احلامه الورديه خلا بلاده راح منها هيم=عايش غريب وفاقد الشخصيه يالحضرمي ان كان باتتحزم=وباترد هيبتكم المنسيه قم واصطلب والصوت عله وانهم=اقل شي بالحركه السلميه حدد مصيرك وانتبه لي وافهم=اهم شي تخلص من السلبيه ف المعركه ياتنتصر ياتهزم=ماشي مفر من ذه ولا من ذيه

روعة يابن احمد سلمت يداك.
قل للوزيري انت شاعر ملهم
وعروق لك في الشعر دايم حيه