[حنطبه]

رقم 265 .

من ارشيفي ( بس تحتاج ترتيب الأبيات ).

نقدر نقول قصيدة ,ولكن قد تحتاج ترتيب أبيات , محبكم هكذا ترتيبه وأنتم من يحب يرتبها كما يحب :

من بعد ماتكلمت وعرفنا سمك = تناركم بيت وظلى قالح
عزك وتقديرك ابد مافيه شك = وتقول لي راجع علي بن صالح
حاشي مع الزمره في السيله برك = والنخل سده ماعليها شارح
ماتراجعوا المالك يلقي له شبك = ومن سرق بعد الشبك لايسامح
مالي وماله ذي من الشله فرك = كل اعتمادي ع الرزين الناصح
ذي من غبش صبح على بابي ودك = جاب الخبر من عن عمامه ناجح
لانويت ع العوده بجد خذني معك = قلبي تهيض للنسيم النافح
أرض العذيبي والمديني والسمك = باشوف فيها من يكد ويكافح
(ع المرجله يالحضرمي علم بنك )= وعلى الامانه والكلام الراجح
(خله بلاحذيان يمشي ع الصرك) = يمشي على درب النزيه الصالح
الوقت يالصمصوم ماهو دوب لك = احسب حسابك قبل ضيق الفاسح
هذه حقيقه ثابته من غير شك = وعسى كلامي يالمسافر واضح
شيبه في الخمسين لا فرط وعك = سامحه لاتجيب الكلام الجارح
بستاننا من زام بابه ماصتك = والعذب من كل الجوانب ذالح
وأكيد بتخرج لأبنك من فمك = لقمتك وانته في طريقك رايح
ارضي عزيزه منها مابافتك = برجع لها رجعة محرر فاتح

قال صالح باقازي :
جاني ذهب من بلحمر مسكوك سك
لونه حمر كالبرق لامع واضح.
ويقول لي عد ماتقدم وعترك
هاجسي في بدعه وجد ياصالح.
صحيح عامل بين نحنا مشترك
كني صغير من عيال البارح.
وانته من اهل العز ورجال الدرك
لكن متواضع وطبعك ناصح.