[الواقعي]

حين تصفحت قائمة الواتساب لمت في صورة الحاله لدى شخص معين عبارة (( فديتك يا رسول الله )) مما حرك الهاجس الشعري فكانت هذه الابيات ::

انا افدي الي بروحه يفدي الهادي=سيد الخلايق جعلني فدو لترابه
ماهي غريبه على قمريّة الوادي=لي قلبها اكليل نار احساس لهابه
غيمة مشاعر تدفق نهرها الهادي=واحساس جذاب يبرد حري اسحابه
لاني مبالغ ولاني شخص متمادي=ولاني اكذب ولا من قوم كذابه
تدرون من لي هدت للفل والكادي؟=عطره ،، من لي عطته اشكال جذابه
ومن لي احساسها نادر ومش عادي=واشعورها انهار بالاشواق منسابه
وتدرون من لحنت للبلبل الشادي؟=من حزنها اللحن لي عالغصن غنابه
تفدا لها ارقاب عشاقي وحسادي=والمال والحال والاصحاب واللابه
واجمل جميلات في جده وف ابلادي=يفدن قدمها و ظفر الكف واخضابه
لي في رسالتها فرحتي واسعادي=وانا اجهل اسرار فرح القلب واسبابه
من دون تفكير تتسارع خطى افوادي=ولا حدن يعرف اش بالفعل لي صابه
فالبيت .. فالشغل .. وسط السوق .. فالنادي=ما ادري القلب وش فالحال ينتابه
كل ما المح اسمه بداخل شاشتي بادي=اشعر كمن مرروا التيار باعصابه