نظره لمرااااه جابتلي قلق واكتـئاب = ظهرت في الراس قزعه مثل قزع المثار
منظر قلقني وخلاني أعيد الحساب = أيام تجري وخايف ان يفوت القطــــــــــار
لوشاب راسي ترى فالقلب روح الشباب= الشيب فالراس ماهو عيب ذلا وقار
شوش على شاشة العشقه مثيل الضباب= محال شيبي يقيدني وبألاختصـــــار
القب في كامل الاوصاف مازال حاب = طيفه امامي كما نور القمر ع الديار
كل ماذكرته يون القلب تحت الحجاب= قربه سعاده ومابعده براكين نار
عاهدت نفسي على وصله وقطع الغياب = باعيد ماضي انا وأياه كنا صغار
اباه جنبي وبا قفل انا كل باب = العمر ساعات باتجزع كما الفاي مار
من شان عيناه بلقي ناطحات السحاب = بلقي مدينه وبلقي له بقلبي مطار
يستاهل اكثر على شانه تهون الصعاب = من شان محبوب قلبي قد حسمت القرار