[اميرة الوادي]

أبديت بك يالذي تنشي مزون السحاب = يافاتح الباب تفتح لي على الخير باب توخذ بيدي وتهديني طريق الصواب = يارب تغفر ذنوب العبد لاخطا وتاب تلطف بنا من لضى النيران يوم الحساب = ذا فصل والفصل لآخر بشتكي من عذاب لما متى طالت الغربة وطال الغياب = البارح النوم علا من عيوني وغاب لابي مرض في البدن ظاهر ولا التهاب = ولا حمه في الجسد من قبص هارش وداب ولا من الدين ماللناس عندي طلاب = الحمد لله عالصحة عظامي صلاب والرزق سابر من الله قوتنا والشراب = ذلا من الوقت ذي جاب النكد والصعاب أخر زمان ابتلانا بالفتن والسباب = عصر الحضارة وعصر العولمة والخراب ذي بهذلتبي وجابتلي حريق العصاب = جابتلي التانقو والفيس والوات ساب خلوني اصبي وأنا بين الخوه والصحاب = لاجيت مجلس وانافرحان وحسب حساب بأخذ وباعطي وبتفقد حوال الشباب = حصلتهم عالمتا كي حانيين الرقاب بتقول ماتوا معد واحد ينش الذباب = وان كان كلمت واحد ماعطاني جواب رديت ساكت ولا داعي لكثر العتاب = مديت فرشي وفي خاطري هم واكتئاب وتذكر الوقت ذي طارية عالقلب لاب = في عهد شيبان ذي حلو بروس الشعاب ذي قوتهم ينقلونه في ظهور الركاب = على دواسر منيبة ذي تنوش الزهاب وأسلابهم صنعة البلجيك خير السلاب = جا بعدهم جيل مايتفاخرو بالنساب والمرجلة في ثقافتهم بلبس الثياب = والقبوله ذي يمثلها لهم بو شهاب ولا علمدار في حلقات وادي الذئاب = والحاصل الوقت متغير وفيه انقلاب ولعاد شي فرق بين الصقر هو والغراب = عاف الزمن والخلايق فيهم الضن خاب يامصلح الحال يامن لادعيت استجاب = تصلح عملنا وتجزل أجرنا والثواب والختم صلوا على من لادعى يستجاب = يشفع لامته جمعا في نهار الحساب. مما قريت

اللهم صل وسلم وبارك علية

ربي يعطيك العافية اخي الكريم باحرس1970ع الطرح الرائع
سلمت يداك
جزاك الله الف خير
شكري وتقديري