وهذه القصيده لحسن محمد باقديم مهداه ( للاستاذ مسرور ولكلن من المدير العام بن ربيعه والشاعر الواقعي والاديب باشراحيل وللخليفي الهلالي وللجميع
( بعنوان )
حطيتها بعناكم رحمه في الصرح الجميل =
وكلتكم ربي وهو باالكون وعباده وكيل =
واصل سلامك ياغزير الفكر والاصل الاصيل =
وسلام لك في الاجر مشتركين في الفضل الجزيل=
ياالكاتب المشهور يامسرور مقدارك ثقيل =
لو باتحلفني بسورة نون واّيات الجليل =
القلب رحمه والعظاء باالمثل باالرحمه تسيل =
وان زلت الساني ونضعت باالخطيه في زميل =
في حينها نعطف ونلحم باالمروه والجميل =
القلب باالرحمه يرف ماني نكد ولا نغيل =
لوح ومد للصقر وجذور الترابط ماتزيل =
عندي وفي خاطري مبناها من الزام الدويل =
والوهم جلاب المئاثم والبري منه قتيل =
والثانيه صوت الوتر ماطابق اللحن الجميل =
حزني كما يعقوب عاماشوف ودموعي هميل =
اربابنا القدوه حماة الورث في موضع هزيل =
ومراشقه باالشين ياحزني على الخلق النبيل =
كلين عا فكرته متعنت ومن صاعه يكيل =
ياحسرت التاريخ والاجيال جيلاً بعد جيل =
شبكه يشاهدها جميع الناس من شاطى ونيل =
ومن دخل باالصدق والقران حصل له صميل =
كلين ينتع من طرف كلن بغا عوده طويل =
واهداف ومغارض وتحريفات مالها شي مثيل =
لا ترضي محمد ولا ترضي براهيم الخليل =
ياقوم فيقوا من عناء ذا الحال لا رشد السبيل =
شوالموت والا قدار مخبيه عند الفرد الجليل =
تنام عافرشك ولا تصبح بها ( حي ) عاالمكيل =
والثالثه حبك وحب القوم جم ماهو قليل =
في حبكم مابغيت شي كفه على الاخرى تميل =
وحنا خوه واصحاب من درب التراحم مانميل =
نحفظ زمالتنا وصحبتنا ولا نجرح زميل =
جرحك وجرح الواقعي في جسم وربيعه عقيل =
وجروح باشراحيل وجروح الخليفي والنزيل =
في جسم واحد عند من له شرع في الصحبه طويل =
من قال انا يثبت وجوده باالحجج هي والدليل =
والمزح في حد السوى قالوا طبابه للعليل =
ويشل هموم النفس ماحب الذي مزحه ثقيل =
الفتها معجول ومشاغلي في القطن النقيل =
تصوعني مثل المهب والعظم يتراقل رقيل =
دور على مرضاة ربي قبل مايحين الرحيل =
وعلى مواساة البشر قلبي غني ماني بخيل =
وادعي لكم باالجبر والخيرات في فجراً وليل =
حطيتها بعناكم رحمه في الصرح الجميل =
وكلتكم ربي وهو باالكون وعباده وكيل =