ياصاحبي خذ لك نصيـحه مبـاشـر
عبر الهواء من هـاجسـي والحليلـه
مات الوفى ماتت نفوس وضمايـر
يـوم اختـفت عادات كانت اصيلـه
شفنـا قلـوب البعض فـيهـا تـنـافـر
لازرع فيـهـا مثل صحـراء قحيـلـه
وان طاح صاحب مالقي له مناصر
محدن سال عنه ولا احدن يشيلـه
والجيد مثل المسك والعود فاخـر
لا فـاح طـاب الجـو عند القـبـيـلـه
مـا غـيّـرتـه العولـمـه والـمـظـاهـر
او يوم ضيّع فـي العوايـد دلـيـلـه
بالود قلب الجـيـد والحـب عـامـر
يسقيك من كاس الوفاء سلسبيله
مـا غـيّـرت الايـام لـون الجـواهـر
ذي وصفـهـا يحتـاج مليـون لـيلـه