بسم الله الرحمن الرحيم
السلام عليكم ورحمة الله وبركاته
اقدم لكم بعض قصائد الشاعر صلاح محمدسالم عبود بكران بامطرف من حضرموت منطقة ((قعوضه))لقد قال الشعروهو صغيرفي السابعة من عمره وما ان بلغ الثانية عشرحتى صاريجلس جلسات الدان وفي المدارة والزامل ويقول شعر غنائي والان له ديوان بعنوان:
(عاشق الريف )واهديناكم بعض القصائد المختاره من هذا الديوان .كذلك وله بعض القصائد الفصيحة وله نصيب في مجال القصة ونتمنى له التوفيق والنجاح
((الشهامه))
يقول المطرفي واسمع كـلامه =كلام الصدق ينبع من ضمـيره
سألت اليوم وين اهل الشهامه ؟=شروع ارجالها ما هي قصيره
اذا عرفوا من الـغازي علامه=ـتشـوف اخـيولـهم دائم مـغيـره
وسـجـل بـالـقـلم كـل ابـتسـامه =وبــلـّغـهــا لـكل حـاره وديـره
انـا والله مـا برضـى الـملامه= ودرب الخيرماضي في مسيره
قنع يا صاحبي مـا هي ندامـه =اذا قـد قـلـت في دنـياك خيره
وامـا الـديــن هـو بــرالسـلامه =يروح العمر فـي ساعه قصيره
يكـون الـرزق عنـدالله قسـامه= صـغــيـره بــاتــقـع ولّا كبـيره
يطول اللـيل با نجـلـي ظـلامه=وبـعـد الـلـيـل تـاتـيك المـنيره
وكل من نام يصحى من منامه =ويكـفـي نـوم حالتـنا خـطيره
خبيـث القوم تغد رنـا سـهـامه = وقولو ياعـرب كيـف البصيره؟
ومن يملك كما عــين اليــمـامه= يحذّرنـي وانـا نـفـسي حـذيره
تـزاحـمــنا ولا فـيــهـا زحامـه= وبــا نتـعـبك في خبـّه وسـيره
بذا المكتوب طيري يــاحـمامه= بـوقــت العـصــر ولابالظهيره
وعـاده يــوم بــتـقـوم الـقــيامه= وكـل مـحتال بايـلـقى مصيره
آمل أن تروق لكم
أخوكم: مصلح الوعل
عين اليمامة: إشارة إلى زرقاء اليمامة