[شاعرة الجنوب]

قصيدة جديده ارجو ان تنال اعجابكم





على طاري الوله والشوق لي قد زاد في مدّه


تّشعب وسط ذا الخافق ولالي منه اي حيله



ويبري الحال يشكي له لهيب الشوق لي سّده


يسامر نجم هذا الليل كل ساعه بكل ليله


عسى لقيا معك تشفي صويب القلب لي هدّه


شديد البعد والهجران لي ماطاق تحميله


رفق بالعاشق الولهان كم صبره بلغ حدّه


يراقب نجم هالميزان اذا قد حان تمييله


صروف الوقت تبدي لك مع الايام كم ودّه


وفاه الّلي مسى يطريك يتمنى تساهيله


دموع العين تجري دم نزيفه زاد ابشّده


يشابه ذي المطر تروي خدوده ثم ومنديله


الا يامنوة الخاطر تمادى زود في صدّه


وخّله يشرب العلقم مرير الكاس تبدي له


ويشهد له نحول الجسم بالأفراط في ودّه


ولا ينسى الليالي لي مضت بالهزل اتجيله


واحيانا بذا التجريح واحيانا اذا بدّه


مزاجك معتدل حّبه والا زد بتجهيله


ولا له منك اي ملجا سوى هالوصل لو عدّه


خياره هو الوحيد اللي مسى اليوم يرجي له


يمنّي القلب بالمسمرمعاك وشوف من قدّه


اذا سامرك يالاسمر قمر هالليل يضوي له


وسم مكواك بالخافق علامه صعب اتحدّه


على هالبعد ما يقوى وهذا الهم قم شيله


بوصلك لي غدا حلم (ن) تراوالي ترى مدّه


تعال وطيب الخاطر بنظره منك تشفي له


صواب القلب ارهقته وهذا الجرح في خدّه


سبايب دمعه الحارق لي قد بات يأوي له






وسلامتكم