دورت أحد يشبه حبيبي ولالقيت = صعبه الاقي شخص يحمل صفاتك
لوزرت انا العالم وبلدان مريت = ماشفت احد يشبه بسمة شفاتك
مالك شبيهن حيث مارحت اوجيت = انته جمال الكون كله بذاتك
وحدك دخلت القلب عمرت لك بيت = وانته وسط قلبي عايش حياتك
يستاهلك قلبي ومهما تغاليت = مملوك لك كلي وروحي فداتك
وطيت لك راسي ولايوم وطيت = راسي لحد غيرك وهذه غلاتك
حقك ومن حقك علي لو تغليت = راضي بماتلقيه حقق مناتك
لارحت لاربعك وقالوا تعاليت = ماهو تكبر منك تفرض حلاتك
كله سبب حسنك لانك تعديت = من كان يحس انه يشبه خطاتك